အခန်း(၁၄)
လက်ပါတယ်။ တမင်လုပ်တာ။
Wen Yurou မဆိုထားနှင့် သူမ၏ ဘေးရှိ ဆေးဝါးမိန်းကလေးများပင်လျှင် Gu Feiyan ၏ အေးစက်သော အသံကြောင့် ထိတ်လန့်သွားသည်။ နူးညံ့သော လေသံဖြင့် စကားပြောဆိုသော ထိုနိမ့်ကျသည့် မိန်းကလေးမှာ ရုတ်တရက် မည့်သို့ ပြောင်းလဲသွားကြောင်း အံ့အားသင့်နေသည်။ Wen Yurou မှာ Gu Feiyan မှ ပြောင်းလဲသွားသည်ဖြစ်စေ မပြောင်းလဲသည်ဖြစ်စေ ဂရုမစိုက်ပေ။ သူမက ကျော်ကြားသော မိသားစုမှဖြစ်ကာ တော်ဝင်ဆေးပေးခန်းတွင် မည်သူက သူမအား တားမြစ်ဝံ့မည်နည်း။ ဆေးမိန်းကလေးတစ်ယောက်မှ သူမအား ထိုကဲ့သို့ ခြိမ်းခြောက်နေခြင်းအား သည်းမခံနိုင်ပေ။
သူမက လက်အား မဖယ်ရုံသာမက Gu Feiyan ၏ နှာခေါင်းအားပင် လက်ချောင်းဖြင့် တောက်လိုက်သည်။ “ကောင်မစုတ် နင်က ခြိမ်းခြောက်…”
Wen Yurou မှာ စကားမဆုံးခင် သူမ၏ အသံမှာ စူးရှသော အော်ဟစ်သံမှ အစားထိုးလာတော့သည်။ အကြောင်းမှာ Gu Feiyan မှ သူမ၏ လက်ချောင်းအား ရိုက်ထုတ်လိုက်သောကြောင့်ပင်။
“အား… ငါ့လက်… မြန်မြန်.. တစ်ယောက်ယောက် တော်ဝင်သမားတော် ခေါ်ပေး မြန်မြန်။"
“Gu Feiyan နင်ငါ့ကို ထိခိုက်အောင် လုပ်ရဲတယ်.. နင်က သေချင်နေတာပဲ။"
Wen Yurou မှာ အော်လိုက်လျှင် အနီးပတ်ဝန်းကျင်မှာ အုတ်သော်သောင်းနင်း ဖြစ်သွားတော့သည်။ Gu Feiyan မှာ နေရာတွင် ရပ်နေပြီး သူမ၏ အမူအရာမှာလည်း ပြောင်းလဲသွားခြင်း မရှိပဲ မျက်လုံးများမှာ အေးစက်နေသည်။ သူမ၏ အဆင့်အတန်းမှာ နိမ့်ကျသော်လည်း လက်ရှိ သူမအား လွှမ်းခြုံထားသော အရှိန်အဝါမှာ လူတိုင်းမှ သူမ၏ ဇစ်မြစ်အား မေ့လျော့ကာ ကြောက်ရွံ့သွားစေနိုင်သည်။ ပုံမှန်အားဖြင့် Wen Yurou အား ကူညီရန် ပြေးလာကြသော မိန်းကလေးများမှာ ဤတစ်ကြိမ်တွင် Gu Feiyan ၏ အကြည့်ကြောင့် ထိတ်လန့်ကာ မည်သူမှ မလှုပ်ရှားဝံ့တော့ပေ။
တော်ဝင်သမားတော်မှ ရောက်မလာခင် အကြီးတန်း ဆေးဝါးပညာရှင် Shangguan Yinghong မှ သတင်းကြားကာ အရင်ရောက်လာသည်။ အောက်ဆုံးမှ အထက်အထိ တော်ဝင်ဆေးပေးခန်း၌ ဆေးကျွန်၊ ဆေးဝါးမိန်းကလေး၊ ဆေးဝါးပညာရှင်၊ အကြီးတန်းဆေးဝါးပညာရှင်နှင့် ဆေးဝါးပညာရှင်ကြီးဟူ၍ အဆင့်သတ်မှတ်ထားသည်။ သူမက အသက်လေးဆယ်အရွယ်ထဲတွင် ဖြစ်ကာ ပါးနပ်ကောက်ကျစ်သော စိတ်ထားဖြင့် အာဏာရှိသူများအား မျက်နှာသာပေးကာ ဆေးပေးခန်းမှ စစ်သူကြီးအဆင့်ရှိသူဖြစ်သည်။ သူမ၏ အဓိကတာဝန်များမှာ ဆေးဝါးပညာရှင်ကြီးအား ကူညီပေးရကာ အလွန်အာဏာရှိပြီး တော်ဝင်ဆေးပေးခန်း၏ ဘဏ္ဍာထိန်းဟုပင် ခေါ်ကြသည်။
YOU ARE READING
ဧကရာဇ်ရဲ့ ပျံလွှားလေး
Historical Fictionသူမသည် လက်ထဲတွင် ဆေးဘုရင် ဆေးအိုးလေးကို ကိုင်ဆောင်ထားသည့် အနှိုင်းမဲ့ ဆေးဝါးပညာရှင်တစ်ယောက်။ တစ်နေ့တွင် သူမ နိမ့်ကျသော ဆေးကျွန်တစ်ယောက်၏ ကိုယ်ထဲသို့ ကူးပြောင်းသွားခဲ့သည်။ ဆေးဝါးပညာရှင်များမှာ သူမအား ခက်ခဲစေသည်။ မင်းသမီးမှာ သူမကို အနိုင်ကျင့်စော်ကားခ...