အခန်း(၉၁)
ချီမိသားစုက ထပ်မစောင့်နိုင်တော့ဘူး။
အကြီးဆုံးမင်းသားမှာ ကောလဟာလများ ဖြန့်နေပြီး Jun Jiuchen ကိုယ်တိုင်မှာလည်း ကိုယ့်ကိုကိုယ် အမှန်တကယ်ပင် အပုပ်ချနေသည်။ တစ်ချိန်တည်းမှာပဲ နန်းမြို့တော်တွင် ထိန်းသိမ်းခံထားရသည့် ချီမိသားစု သားအဖနှစ်ယောက်မှာလည်း အလကား မနေပေ။
Qi Yu မှာ အစေခံများကို အလေးအနက် ပြောနေသည်။ "မှတ်ထား၊ သဲလွန်စမကျန်အောင် သေသေချာချာ လုပ်ရမယ်။"
စစ်သူကြီးချီမှာလည်း စိတ်ပူပြီး ပြောလိုက်သည်။ "သတိထား။"
Qi Yu အတွက်၊ ဤကိစ္စတွင် အမုန်းဆုံးအရာမှာ ကျင်းဝမ်မှ မင်းသမီး Huaining ကို ချစ်မြတ်နိုးကြောင်း တရားရုံးတွင် ပွင့်ပွင့်လင်းလင်း ဝန်ခံစေခဲ့ခြင်းပင်။ နှစ်ပေါင်းများစွာ ဂရုတစိုက်ထိန်းသိမ်းထားခဲ့သော သူ၏ ပုံရိပ်သည် လုံးဝပျက်စီးသွားခဲ့သည်။ ဤအရာသည် သူ၏ ဘဝတစ်ခုလုံးအတွက် ဆေးကြော၍ မရနိုင်သော အမည်းကွက်တစ်ခုဖြစ်လိမ့်မည်။ ထို့အပြင်၊ ဤအဖြစ်အပျက်မှာ Gu Feiyan ၏ Cheng Yifei နှင့် ဖောက်ပြန်ခြင်းအပေါ် နားလည်နိုင်ပြီး ခွင့်လွှတ်နိုင်စေဟန် ပေါ်လာသည်။
စစ်သူကြီးချီ၏ အကြံအစည်သည် ယွင်ကွေ့ဖေး၏ အစီအစဥ်နှင့် အလွန်ဆင်တူသည်။ သူက ချီမိသားစု၏ ရာဇ၀တ်မှုများကို သက်သာစေရန် ဧကရာဇ်မှ ကျင်းဝမ်ကို မေးခွန်းထုတ်ရန် မျှော်လင့်နေသည်။
ကင်းခြေများတစ်ကောင်သည် သေဆုံးသွားသော်လည်း တောင့်တင်းသွားခြင်း မရှိပဲ ချီမိသားစုကဲ့သို့ ကြီးမားသော မိသားစုဆိုလျှင် ပြောစရာမလိုတော့ပေ။ ချီမိသားစု၏ သားမှာ ယခုတွင် ကန့်သတ်ခံရထားသည်။ သို့တိုင် သူတို့၏ မျက်လုံးများနှင့် နားများမှာ အလွန်ကျယ်နေသေးသည်။
အစေခံမှာ ထွက်သွားပြီးနောက် သူလျှိုများ ရောက်လာလေသည်။
"စစ်သူကြီး၊ စစ်သူကြီး၊ ဒီနေ့မနက် ဧကရာဇ်က နန်းစောင့်တပ်တစ်ဖွဲ့နဲ့ စစ်ဌာနက အရာရှိနှစ်ယောက်ကို အနောက်ဘက်ဆင်ခြေဖုံးတွေက နှစ်ဝက်ကြာတပ်စွဲဖို့ ရည်ရွယ်ပြီး အနောက်ဘက်စစ်စခန်းကို လွှတ်လိုက်ပါတယ်။”
YOU ARE READING
ဧကရာဇ်ရဲ့ ပျံလွှားလေး
Historical Fictionသူမသည် လက်ထဲတွင် ဆေးဘုရင် ဆေးအိုးလေးကို ကိုင်ဆောင်ထားသည့် အနှိုင်းမဲ့ ဆေးဝါးပညာရှင်တစ်ယောက်။ တစ်နေ့တွင် သူမ နိမ့်ကျသော ဆေးကျွန်တစ်ယောက်၏ ကိုယ်ထဲသို့ ကူးပြောင်းသွားခဲ့သည်။ ဆေးဝါးပညာရှင်များမှာ သူမအား ခက်ခဲစေသည်။ မင်းသမီးမှာ သူမကို အနိုင်ကျင့်စော်ကားခ...