SEPALIKA | COMPLETED

6 කොටස

හවස ක්ලාස් ඉවරවෙලා මම රාජගිරියට ඇවිත් එහෙමම ආපු බස් එකේ ගෙදරට එන්න ආවා.. එතකොටත් වෙලාව හතර හමාරට විතර ඇති.. ඔෆිස් ටයිම් නිසා රාජගිරියෙ ගුවන් පාලම පැත්තෙන් පට්ටම ට්‍රැෆික් එකක් සෙට් වෙලා පැය ගානක් ඉදලා මෙහාට ආවකොට සෙත්සිරිපාය ගාව හෝල්ට් එක ලග බස් එක නැවැත්තුවා විතරයි බස් එකට නැග්ගා සෙනග පුලුවන් නම් වහලෙත් එල්ලිලා යයි.. මමත් ඉතින් බෑග් එකත් එල්ලගෙන යන්තම් ෆුට්බෝඩ් එකෙන් උඩට නැගගෙන ගෙදර ගාව හෝල්ට් එකෙන් බැහැලා ගෙදරට එන අතුරු පාරට ආවා.. අපේ ගෙදර තියෙන්නෙ අතුරුපාරකින් උඩහට ගියාම.. ටිකක් ගමක් වගෙ ඒ හරිය.. මම ගෙදරට යද්දි ඉස්සරහ දොර වහලා..

අම්මා නිදිද දන්නෙ නෑ..

උදෙත් අසනීපෙන් උන්නු නිසා මම පිටිපසෙ අඩවල් කරපු දොරෙන් ගෙදර ඇතුලට ගිහින් අම්මගෙ කාමරේට ඔලුව දැම්මා.. අම්මා ඇදේ හරහට ඇලවෙලා වතුර බෝතලේකුත් බඩට තියාගෙන නිදි.. මම අම්මගෙ නලලට අත තියලා බැලුවේ උනද කියලා.. උනක් නම් නෑ..

" අප්පද බොල.."

අම්මගෙ බඩට තියාගෙන උන්නු උනු වතුර බෝතලේ නිසා තමා මටත් වැඩේ මීටර් වුනේ.. අම්මට අසනීප වෙලා.. ඒකතමා උදේ ඇහැව්වම කිව්වෙත් නැත්තෙ.. අම්මට ඕක කියන්න ලැජ්ජා වුනාට ඇත්තම කතාව ඉතින් ඕක අරුමයක් නෙමේ.. හද්ද පරන කාලෙ මිනිස්සු ඕක කුනුහරුපයක් කරගෙන දැගලුවට මමනම් හිතනෙ නෑ එහෙන් මෙහෙන් මෝඩ මිනිහෙක් දෙන්නෙක් ඕක මැජින් වගේ දැක්කට තරුන උන් ඕක අරුමයක් වගේ දකිනව ඇති කියලා..

ඔක්කොමත් හරි මේ කාලෙට අම්මගෙන් පරිස්සම් වෙන්නෝන හරියට.. ඇයි යකො මල පනිනවානෙ සෑහෙන්න.. මම හචිමක් ඇරියක් අපෙ තාත්තගෙ ඉදන්ම මට බනිනවා.. හෝමෝන වල අවුල තමා ඉතින්.. ඕවා අහගෙන ඉන්න එකම හොදයි මොකුත් කියන්න හොද නෑ.. කියන්න බෑනෙ එකපාරක් වගේ කොස්ස විසිකල්ලා ගැහුවොත් එහෙම..

මම ශේප් එකේ කබඩ් එක ඇරලා බැලුවේ අම්මට උවමනා කරන කියන දේවල් කබඩ් එකේ තියද කියලා.. අම්මා ඔව්වා මට කියලා ගෙන්නවගන්නෙ නෑ ලැජ්ජයි කියලා.. 

ෆුඩ්සිටිය පැත්තෙ යන්නෝන.. ගෙදර කුස්සියේ අම්මගෙ ඒප්‍රන් එක අස්සෙ තිබ්බ බඩු තුන්ඩුව හොයාගෙන මම කාමරේට ඇවිල්ල ඇදුම් ඉවර කල්ලා හොදහැටි නාගත්තා.. සැක් මූනෙ හරහට රතුපාටින් ඉරක් ගිහිල්ලා.. රධ්‍ය කාරයගෙ යකඩ කෑල්ල ඇනිලා.. මට පිටගැස්ම හැදෙයිද මන්දා.. ඒකනිසා මම කෝකටත් ඩෙටෝල් පොඩ්ඩක් අරගෙන මූනෙ තියාගත්තා.. අපෙ අම්මා ගාන්නෙ බේබි සබන්.. ඒවුනාට මම ගාන්නෙ ඩෙටෝල්.. මගෙ ඇගේ කුනු යවන්න අම්මනම් කියන්නෙ සර්ෆෙක්සෙල් දැම්මත් වැඩක් නෑ කියලා.. ඇයි ඉතින් දාඩිය නාගෙන නෙ ගෙදර එන්නෙ.. මේ පිවිතුරු මට මෙහෙම අපහාස විදින්න උනානෙ..