" අයි ලව් යූ ජැක්.."
" ඩෝන්ට් යූ ඩූ දැට්.. ඩෝන්ට් සේ යොර් ගුඩ්බායිස්.."
" ලිස්න් රෝස්.. යොර් ගොන ගෙට් අවුට් ඔෆ් හියර්.. යොර් ගොන ගෝ ඕන් ඇන්ඩ් මේක් ලොට් ඔෆ් බේබීස් ඇන්ඩ් යොර් ගොන වොච් දෙම් ග්‍රෝ..!! ..අනේ මේ නටපන්.. මට බෑ මේක කරන්න.."
රධ්ය අයියා එකසැරේ බිමින් නැගිටලා ඇඳ උඩට ආවා.. මම බඩත් අල්ලගෙන හිනාවෙලා හිනාවෙලා ඇඳෙන් බිමට වැටුණා.. හෙනාතල් රධ්ය අයියා රඟපානවා.. හිච්චි ලියෝ..
අද හවස ප්‍රැක්ටිස් ඉවරවෙලා මායි රධ්ය අයියයි මූවි එක්ක බලන්න ගත්තා.. ඒ වුණාට ඒක කම්මැලී.. නින්ද යන්න වගේ ආපු නිසා අපි දෙන්නම රඟපාලා අපිම ෆිල්ම් පෙන්නගත්තා.. මම හිටියේ ලෑල්ල උඩ ඉඳන් ජැක්ගෙ අත්දෙක අල්ලගෙන ඉන්න රෝස්ගෙ කැරැක්ටරේට පණ පොවන ගමන්.. ලෑල්ල තමා ඇඳ.. බිම තමයි මූද.. රධ්ය අයියා හිටියෙ බිම.. මගෙ මූදු මංකොල්ලකාරයා..
" අපි එහෙනම් අර කාර් එකේ සීන් එක කරමු ඒයි.."
" මට බෑ..!!"
මම බිමින් නැගිටලා ඇඳ උඩට ආවා.. ඇවිත් රධ්ය අයියා ඉස්සරහින් ඉඳගත්තා..
" ඔයා අහලා තියද සාර සදිසි පෙති පේර නෙළන කළ.. වළගියදෝ මගෙ මේවරයා~ කියලා එකක්.."
" ඒ මොකක්ද.."
" මම දන්නෙත් නෑ ඒයි.. ඉස්කෝලෙ මල්ලිලා වගයක් නට නට ඉද්දි අපි ස්කූල් රවුන්ඩ් යන ගමන් ඇහුව මල්ලි මොකක්ද නටන්නෙ කියලා.. ඌ කිව්වා අයියෙ මේවර කවි කියනවා කියලා.."
" අපිත් ස්කූල් රවුන්ඩ්ස් යන දවසක දැක්කා හරිද.. මෙන්න මෙච්චර විතර කොට තාරාවෙක් තාලම්පොටක් ගගහා වන්නමක් කියනවා.."
" අල්ලලා සාක්කුවෙ දාගන්න හිතුණා නේද.."
" උඹ ඒක කියන්නෙ ගස් උඩ නැගගෙනනෙ.. කොහෙ සාක්කුවෙ දාගන්නද.."
මම කොට්ටයක් අරන් ඒකෙන් රධ්ය අයියට ගැහුවා.. අපි අටේදි හිටිය පන්තිය ඇවිල්ලා.. ඒක වෙනම එකක්.. මාරම සාමකාමි ක්ලාස් එකක් විදියට තමා සෙක්ශන් එකේ ප්‍රසිද්ධ වෙලා තිබ්බෙ.. එක හේතුවක් සෙක්ශන් ෆස්ට් තර්ඩ් දෙන්නම හිටියෙ අපේ ක්ලාස් එකේ.. එහෙම දෙයක් ඇවිල්ලා අපේ ඉස්කෝලෙ වෙන්නෙ හෙන කලාතුරකින්.. අනික පන්තියෙ පනස් දෙනාගෙන් හතළීස් හයක්ම ප්‍රශංසනීය වාර්තා තියන උන්.. අපේ රිපෝට් එකේ ඔක්කොම සබ්ජෙක්ට්ස් වල ළකුණු එකතු කල්ලා ඇවරේජ් එකක් විදියට බැලුවහම සීයට හැත්ත පහට වැඩිනම් ප්‍රශංසනීයයි කියලා සීල් එකක් තියනවා.. අපි ඉතින් විභාගෙ කාලෙට පොතක් අරන් පිටිපස්සෙ ළකුණු ලිය ලිය විනාඩි පහෙන් පහට එකතුකරනවා.. මටත් වඩා සෙනුකයා තමා.. ඌට හොඳ අමාරුවක් තියෙන්නෙ අනිත් උන්ගෙ ළකුණු හොය හොය යන්න.. ඌ ඉතින් එකපාරක් සෙක්ශන් ෆස්ට් උනානෙ අටේදි..
YOU ARE READING
SEPALIKA | COMPLETED
Romanceරධ්ය අයියට තිබුනේ තද කළුපාට ඇස්.. මගේ වගේ ලා දුඹුරුපාට ඒවා නෙමෙයි.. ඒ ඇස් වල ඇහිපිල්ලම් ගහන දිහා මම සමහර වෙලාවට බලාගෙන ඉදලා තියෙනවා.. මට හිතෙන්නෙ ඒ දිහා මට තව තව බලාගෙන ඉන්න ඇත්නම් කියලා.. එක ලග ගෑවෙන්න ඔන්න මෙන්න තියන ඇහිබැමට යටින් තියන ඒ ඇස් ඉදලා...
