ခ်ဳိၿမိန္ေသာ ဇနီးဆိုးေလး(အတြဲ၄) ချိုမြိန်သော ဇနီးဆိုးလေး(အတွဲ၄)

စာစဥ် ၅၈ (၁-၈)

💖 ချိုမြိန်သော ဇနီးဆိုးလေး 💖
Book.              :  58
Chapter.          :  1 - 8
Original novel : Perfect Secret Love
Translator.       :  Goddess
•••••••••••••••••••••••••••••••••••••••••••••

စာစဉ် ၅၈၊ အခန်း ၁။ အဲ့လိုမျိုး ရှိတာလား

“အဲ့တာလေးများကွာ..ဘော့စ် ကျော်ကြားသောက ငါတို့ကိုတောင် သေခြင်းတရား၏နှင်းဆီ ယောင် ဆောင်ခိုင်းဖူးတဲ့ဟာကို”
သူတော်စင်က ဖြတ်ပြောလာသည် ။

ပြန်တွေးကြည့်လိုက်တော့လည်း ဟုတ်သည်ပင် ။

ဘော့စ် ကျော်ကြားသော သည် ဒီလို အရည်အချင်းမျိုး ရှိပြီး သူများတကာထက် မတူ ထူးခြားသော သတ္တိခဲကြီး သာ ။

စကားစမြည်ပြောဆိုပြီးနောက်တွင် ရီ၀မ်၀မ်သည် သူတို့ကို မြောက်ဘက်ပိုင်းသို့ ခေါ်သွားတော့သည် ။

ညဥ့်နက်မှပင် လွတ်လပ်သောနယ်မြေ၏ မြောက်ဘက်ပိုင်းသို့ သူတို့ ရောက်သွားကြ၏ ။

ယွင် မြို့တော်နှင့် မတူ တမူကွဲထွက်နေသည်ကား မြောက်ပိုင်းဒေသမှာ ကျေးလက်ဖြစ်ပြီး လူသူ အရောက်အပေါက် နည်းသည် ။

ရီ၀မ်၀မ်ကို ကြိုစောင့်နေကြသည့် ကြယ်ခုနစ် နှင့် ခုနစ်စင်ကြယ်မှာ ရီ၀မ်၀မ် ကားထဲကို ထွက်လာတာနဲ့ ရောက်လာကြလေသည် ။

သူတော်စင်သည် ကျိတ်ကာ ရယ်မောလိုက်ပြီး ပြောလာသည် ။

“ဘော့စ်…အဲ…ဂိုဏ်းချုပ် ပိုင် ၊ ဒီလူလက်တစ်ဆုပ်စာလောက်နဲ့
ဒီကို လာချဲတာကတေ့ာ မကောင်းဘူးနဲ့တူတယ်နော်…”

ရီ၀မ်၀မ်သည် သူတော်စင်ကို တစ်ချက်ကြည့်လိုက်ကာ ..
“ကျွန်မမှာ လူအလုံအလောက် ပါလာမှတော့ ရှင်တို့ကို ခေါ်နေပါတော့မလား”

သူတော်စင် အံ့အားသင့်သွားသည် ။
အေးဟ…ဟုတ်သားပဲ ။

“အစ်မ ဖန်း ၊ ဒီနှစ်ယောက်က ဘယ်သူလဲ”

ကြယ်ခုနစ်က သူတော်စင်နှင့် အုတ်သယ်သည့် နိုင်ငံခြားသားကို ကြည့်ရင်း မျက်မှောင်ကြီး ကြုတ်နေလေပြီ ။

“သူငယ်ချင်းတွေ”  ရီ၀မ်၀မ် ပြန်ဖြေလိုက်၏ ။

အမည်မရှိသောနန် လက်အောက်က ကြေးစားများသည် ဤလွတ်လပ်သောနယ်မြေထဲတွင် မစ်ရှင်မှတစ်ပါး လူရှေ့သူရှေ့ ထွက်ခဲလှချေသည် ။ ထို့ပြင် သူတို့သည် အမြဲတစေ သိုသိုသိပ်သိပ် နေတတ်လေ့ ရှိကြသဖြင့် တော်တော်များများက သူတို့အကြောင်း မသိနေကြပါချေ ။