Hedgehog And Tiger [Myanmar Translation]

|21|

[Unicode]

အိမ်ငှါးစာချုပ်ချုပ်ပြီးသွားပေမဲ့၊ အခုမှရှင်းလင်းပြင်ဆင်နေတုန်းပင်။
ဟယ်ရှင်းချွမ်တို့ညီအစ်ကိုဟာ ဖက်တီးအိမ်မှာပဲ ရှိနေရသေးတယ်။
ကံကောင်းတာက၊ ဖက်တီးမိဘတွေဟာ အိမ်မှာရှိမနေတတ်တာပဲများတယ်။
အဲ့လိုသာမဟုတ်ရင် ဟယ်ရှင်းချွမ်ခေါင်းဖော်နိုင်မှာတောင်မဟုတ်ဘူး။

"ဖက်တီး၊ သူတို့အိပ်သွားပြီလား?"

ဖက်တီးက သူ့အခန်းထဲကနေတိတ်တိတ်လေးထွက်လာတယ်၊ ဖုန်းကိုလက်ထဲကိုင်ထားကာ
"အကြီးရော အငယ်ရောအိပ်သွားပြီ၊ အခုထွက်တော့မှာလား?"

"အင်း အရင်လူတွေပါခေါ်လိုက်"

"ဟုတ်ပြီ!"

ပါးစပ်ထဲကချိုချဉ်ဟာ မက်မွန်သီးအရသာလေး၊ ဟယ်ရှင်းချွမ်က အိတ်ကပ်ထဲထည့်ထားပေးခဲ့တာ။

"အစ်ကိုကြီး! အစ်ကိုကြီး! ကျွန်တော် တောင်းပန်ပါတယ်။ တကယ် ကျွန်တော်မလုပ်ရဲပါဘူး..."

ယန်ထန်က သူ့ရှေ့ရှိလူကိုမျက်လုံးပင့်ကြည့်လာတယ်၊ ပါးစပ်ထဲကချိုချဉ်ကြောင့် စကားသံဟာ မသဲမကွဲဖြင့်။
"အင်းပါ၊ အဲ့အကြောင်းတွေက နောက်မှပြောကျတာပေါ့။ အခုတော့ ပစ္စည်းကိုအရင်ကောက်ပေးဦး"

"ရေတွင်းထဲမှာ ရေရှိနေမှန်းမသိခဲ့လို့ပါ! အစ်ကိုကြီး ကျွန်တော်အခုချိန်ဆင်းသွားရင် သေသွားလိမ့်မယ်!"

"မဟုတ်တာ၊ ဘယ်သူမှလွယ်လွယ်မသေပါဘူး"
ယန်ထန်ကပြောရင်းနဲ့ပဲ ဝူကျင်းကိုမျက်ခုံးလှမ်းပင့်ပြတယ်။
"လာ သူ့ကိုဆုံးမလိုက်"

လည်ပင်းမှာ ထူးဆန်းတဲ့တက်တူးတွေနဲ့လူဟာ ထိုလူ့ခါးကိုကြိုးနဲ့ချည်တယ်။
ထို့နောက်မှာတော့ ရေတွင်းထဲပစ်ချတယ်။
ကြိုးအရှိန်က လျင်မြန်စွာအောက်ကျနေတယ်၊ ရေနဲ့ နီးကပ်လာချိန်မှပဲ ကြိုးကရပ်တန့်လို့သွားတယ်။

"ဝူကျင်း သူရှာမတွေ့ရင် တစ်ခါတည်းသာလွှတ်ချလိုက်တော့"

"မလုပ်ပါနဲ့! မလုပ်ပါနဲ့! ကျွန်တော်ရှာပါ့မယ်!"

အာရုဏ်တက်ချိန်မှာ၊ တစ်ကိုယ်လုံးဖြူဆုတ်နေရှာတဲ့ထိုလူဟာ ပစ္စည်းကိုရှာတွေ့သွားခဲ့ပြီ။