Hedgehog And Tiger [Myanmar Translation]

|26|

[Unicode]

ဝမ်ဘင်းဘင်းက ယန်ထန့်ဆံပင်တွေအကုန်လုံးကို အနောက်လှန်သိမ်းပေးလိုက်တယ်၊ နှဖူးပြင်တစ်ခုလုံးကို ဖော်ပြထားရင်းပေါ့။
မျက်ခုံးမွှေးတွေကိုညှိဖို့ပြင်ချိန်မှာ၊ ယန်ထန်က သူမလက်ကိုဖမ်းဆွဲလာပြီး
"အဲ့ဒါမလိုဘူး"

"ဟမ်?"

"ငါ့မျက်နှာပေါ်ကို ဓားသုံးတာသဘောမကျဘူး"

ဟယ်ရှင်းချွမ်က ဆိုလိုရင်းကိုနားလည်လိုက်တယ်။
ယန်ထန်က သတိကြီးတဲ့လူစားမျိုး၊ သူတို့ကျောင်းဆီပြောင်းလာခဲ့တာတောင်မှ စိတ်အေးလက်အေးမနေခဲ့ဘူး။
ဘလိတ်ဓားကိုမြင်ချိန်မှာ၊ ကြောင်အဖြစ်ကနေ ကျားချက်ချင်းပြောင်းသွားသလိုပင်။

"ငါလုပ်လိုက်မယ်၊ ဘယ်လိုလုပ်ရမလဲပြောပြ"

ဟယ်ရှင်းချွမ်က တာဝန်လွှဲယူတယ်။
ယန်ထန်ကမျက်မှောင်ကြုတ်နေပေမဲ့ တားတော့မတားဘူး။
မျက်ခုံးမွှေးအစွန်းတွေကို ညှိခွင့်ပေးထားတယ်။

"ထန်ကောရဲ့မျက်လုံးတွေက အရမ်းနက်ရှိုင်းတာ၊ စင်ပေါ်မှာ အမူအရာတွေကိုသေချာမြင်ရဖို့ဆို မျက်ခုံးမွှေးကိုတော့ညှိပေးမှဖြစ်မယ်"
ဝမ်ဘင်းဘင်းက စကားဆိုရင်းနဲ့ပဲ၊ မိတ်ကပ်ဘရပ်ရှ် အသေးလေးနဲ့ မျက်ခွံတွေပေါ် အနက်ရောင်ပါးပါးလိမ်းခြယ်ပေးတယ်။

သူတို့အလှည့် မကြာမီရောက်တော့မှာ။

ရှုပမ်းက စင်အနောက်မှာစောင့်ဖို့ လာခေါ်တယ်။
မတ်တပ်ရပ်နေတဲ့ယန်ထန်ကို မြင်ချိန်မှာ၊ ခြေထောက်တွေတောင်ပျော့ခွေသွားတော့မလိုပဲ!
"သေစမ်း!"

ယန်ထန် စတိတ်စင်ပေါ်တက်ချိန်မှာ၊ ပရိသတ်အုပ်ကြီးက ငြိမ်သက်သွားခဲ့တယ်။
သူက ကျားတစ်ကောင်လိုပဲ၊ သူ့ရဲ့နယ်မြေကို ကင်းလှည့်နေတဲ့ ကျား။

ဇာတ်လမ်းရဲ့ဇာတ်ကွက်အချို့ ပြီးဆုံးသွားခဲ့ပြီ။

ယန်ထန်က အထူးမိတ်ကပ်လိမ်းခြယ်ပြီး၊ လက်ကိုနောက်ပြန်ကြိုးတုပ်ထားတယ်။
ခါးကိုကုန်းကာ၊ စာသားတွေကတော့ လည်ချောင်းထဲမှညှစ်ထုတ်နေရသလိုပင်။

"...ငါ..."

"ဒီကောင့်ကို ချကျစမ်း!"

"မင်းသာ ငါ့ကိုချစ်တယ်ဆိုရင်..."