Hedgehog And Tiger [Myanmar Translation]

|58|

[Unicode]

ပူလောင်တဲ့ရာသီဥတု။
စာသင်ခန်းဟာလည်း ပူလောင်လွန်းနေခဲ့တယ်။
ခုံမှာထိုင်နေယုံနဲ့တင် ချွေးတပြိုက်ပြိုက်ကျရလောက်တဲ့အထိပင်၊ ကျောင်းဝတ်စုံဟာလည်းစိုရွှဲတော့မည့်အလား။
ပုလင်းတစ်ဝက်ပဲကျန်တော့တဲ့Cokeဗူးဟာ ကာဗွန်ဒိုင်အောက်ဆိုဒ်တွေကုန်သွားခဲ့ပြီ။
အချိုလွန်နေတဲ့ သကြားဖျော်ရည်တစ်ခွက်လိုပဲ။

လူငယ်က စားပွဲခုံပေါ်မှောက်အိပ်နေခဲ့တယ်၊ ဘေးခုံရှိကျောင်းသားရဲ့ 'ဘဝလမ်းကြောင်းရေးရာ အခက်အခဲများ' ရွတ်ဖတ်သံကိုနားထောင်နေရင်း။

ဖုန်းမြည်သံထွက်ပေါ်လာခဲ့တယ်။
စမ်းတဝါးဝါးလှမ်းရှာလိုက်ရပြီးမှ ဖုန်းဖြေမိတယ်။
"အဘွား? ဘာကိစ္စရှိလို့လဲ?"

"ထန်ထန်! အတန်းဖော်လေး ဝင်ခွင့်စာမေးပွဲဖြေရတော့မှာမလား!?!?"

"ဟုတ်တယ်လေ၊ လဝက်လောက်ပဲလိုတော့တာ ဝင်ခွင့်ဖြေဖို့က"

"ဟုတ်သားပဲ! ဝက်သားဆားနယ်ခြောက်နည်းနည်းပို့ပေးထားတယ်! သူ့ကိုချက်ကျွေးလိုက်ဦး!"

"...အဘွား၊ ကျွန်တော်မှမချက်တတ်တာ"

"မချက်တတ်လည်း ချက်တတ်အောင်သင်လိုက်! မွေးကတည်းက လမ်းလျှောက်တတ်တာမှမဟုတ်ဘဲ!"

"......"

ဖုန်းချပြီးသည့်တိုင် ယန်ထန်ကတွေဝေနေမိတုန်းပဲ။

သူလည်းစာမေးပွဲဖြေရမယ်ဆိုတာကို အဘွားမေ့များသွားတာလား???

ညနေခင်း ဟယ်ရှင်းချွမ်အိမ်ပြန်ရောက်တော့၊ ထမင်းစားစားပွဲပေါ်က အနံ့တထောင်းထောင်းထနေတဲ့ဝက်နံရိုးတွေကိုတွေ့သွားတယ်။

အဘွားက ဝက်သားဆားနယ်ကို ဆားတင်မကဘူး၊ ဟင်းခတ်အမွှေးအကြိုင်တွေပါ ထည့်သိပ်ခဲ့တာ။
ဟယ်ရှင်းချွမ်မစားတတ်မှာ စိုးရိမ်တာကြောင့်၊ အချိန်အတော်ကြာမှပဲ ပို့ပေးခဲ့တယ်။
ဝက်သားဆားနယ်က မငန်တော့ဘူးလေ။

"ထန်ကော! ထန်ကောလုပ်ပေးထားတာလား!?"

အခန်းထဲမှ ယန်ထန်ထွက်လာတယ်၊ ရေစိုစိုဆံပင်တွေကို သုတ်နေလျက်။
"ငါ့ပုံစံက အဲ့လိုမျိုးလုပ်နိုင်တဲ့ရုပ်ပေါက်နေလို့လား?"