Hedgehog And Tiger [Myanmar Translation]

|25|

[Unicode]

"Oh! အတန်းခေါင်းဆောင် တညလုံးမအိပ်ထားရဘူးလား?"

ဟယ်ရှင်းချွမ်က လက်စသတ်ပြီးတဲ့ဇာတ်ညွှန်းစာရွက်ကို ရှုပမ်းဆီကမ်းပေးလာတယ်။
"မြန်မြန်ဖတ်ကြည့်ဦး"

ရှုပမ်းက ချက်ချင်းလှမ်းယူပြီး၊ သေချာဖတ်ကြည့်နေတယ်။

အရာရှိထွက်သွားပြီးနောက်မှာ၊ မိန်းမငယ်လေးဟာ တစ်ခုခုပျောက်ဆုံးသွားသလိုခံစားနေခဲ့တယ်။

သူမက အချစ်ကိုမယုံကြည်ပါဘူး၊ ဒါပေမဲ့ ကံကြမ္မာကိုတော့ယုံကြည်တယ်။

လူကြီးသူမတွေက ပြောကျတယ်၊ သူမလို လေလွင့်နေသူတစ်ယောက်အတွက် အချစ်ဆိုတဲ့အရာကြီးက စိတ်ခံစားမှုသပ်သပ်ပဲတဲ့။

အချိန်ကာလတိုင်းကို သူမမှတ်မိနေခဲ့တယ်။
ပြည်မကြီးရှုပ်ထွေးသွားချိန်ကနေ အရာရာပျက်စီးသွားချိန်အထိ။
အသက်အရွယ်ကြီးလာချိန်မှာ၊ တုန်ယင်စွာလမ်းလျှောက်လာရင်း ထောင်သားတစ်ယောက်အဖြစ် ဒူးထောက်နေတဲ့သူ့ကို ပြန်တွေ့ခဲ့တယ်။

မော့ကြည့်လာတဲ့ မျက်ဝန်းတစ်စုံ။

ပထမဆုံးအကြိမ်အဖြစ် သူမမယုံကြည်နိုင်ခဲ့ဘူး။

လူရွယ်ဟာ သူမရှေ့မှာသေဆုံးသွားခဲ့တယ်၊ နှိပ်စက်ခံရတဲ့ ဒဏ်ရာပေါင်းများစွာဖြင့်။

ငါ့ရဲ့မင်းအပေါ်ထားတဲ့အချစ်က မြေရိုင်းပင်တွေလိုမဟုတ်ဘူး...မင်းသာ ငါ့ကိုချစ်ရင်...
မင်းသာ ငါ့ကိုချစ်ခဲ့ရင်...

"ဇာတ်နာလွန်းတယ်! အတန်းခေါင်းဆောင်! ဘယ်လိုဖြစ်လို့ အဲ့လောက်ဇာတ်နာရတာလဲ!?"

ဝမ်ဘင်းဘင်းကလည်း သူမလက်တွေကိုလက်သီးတင်းတင်းဆုပ်ကာ
"ဇာတ်နာတယ်! နှိပ်စက်လွန်းတယ်!! သေကွဲပါကွဲခိုင်းတယ်!!!"

ယန်ထန်ကပါ ဇာတ်ညွှန်းကိုဖတ်ကြည့်လိုက်ပြီး၊ ဘာပြောရမှန်းမသိဖြစ်သွားရှာတယ်။

ရှုပမ်းက ပုခုံးပုတ်ပေးကာ
"ဘင်းဘင်းက အထူးမိတ်ကပ်ပညာရှင်ရှာပေးထားတယ်၊ ငါတို့မှာ အချိန်တွေကျန်ပါသေးတယ်"

ရီဟာဇယ် စတင်ပါပြီ။

အရင်တစ်ခေါက်နဲ့ယှဉ်ရင်၊ ယန်ထန်က ပိုအာရုံစူးစိုက်ထားတယ်။
ထောင်ထဲရောက်တဲ့အခန်းမှာ၊ တကယ်ဒူးထောက်ထားပြီး ခါးကိုကိုင်းကာအသက်ကြီးပုံပေါက်အောင် ကြိုးစားတယ်။