Hedgehog And Tiger [Myanmar Translation]

|32|

[Unicode]

ပင်လယ်ဘက်မှလေညှင်းတွေဟာ ညအချိန်မှာနွေးထွေးတယ်။
မြို့ခံတစ်ချို့တစ်လေတောင်မှ ကမ်းရိုးတန်းတစ်လျောက်မှာ လမ်းလျှောက်နေကျတယ်။

ယန်ထန်က ဆိုင်တံခါးကိုသော့ခတ်နေရင်း
"ဒီရက်ပိုင်းအတွင်း ရာသီဥတုတော်တော်သာယာတယ်၊ မနက်ဖြန် ရေလာကူးရအောင်"

"အင်း မကြာခင်မိုးရွာတော့မယ်ထင်တာပဲ။ ထန်ကော! မင်းနဲ့ အတန်းခေါင်းဆောင်တို့ ဘယ်တော့ပြန်မှာလဲ?"

"နောက်ရက်အတွင်းလောက်ပေါ့၊ သေတော့မသေချာသေးဘူး"

ရှုပမ်းက ခေါင်းညိတ်ပြပြီးနောက်
"ထန်ကောကို ဆိုးတဲ့လူလို့ထင်ခဲ့တာ၊ ဘယ်လိုပြောရမလဲ? တွေ့တွေ့ချင်းကြောက်မိတာမျိုးလား? အတန်းထဲကလူတွေကလည်း ထန်ကောမကောင်းကြောင်းတွေ လျောက်ပြောနေကျတော့လေ!"

ယန်ထန်က မျက်ခုံးပင့်ပြပေမဲ့၊ ဘာမှတော့ပြန်မပြောဘူး။

ဗီလာဆီပြန်လျှောက်လာရင်း၊ ကျောင်းကိစ္စတွေအကြောင်းစကားဆိုလာကျတယ်။
အိမ်ထဲဝင်ဝင်ချင်းမှာပဲ ဝိုင်နံ့ကိုတန်းရလိုက်တယ်။
ဟယ်ရှင်းချွမ်နဲ့ ဝမ်ဘင်းဘင်းဟာ မီးခိုခန်းရဲ့ကြမ်းပြင်ပေါ်ထိုင်နေပြီး၊ ဘာအကြောင်းပြောနေမှန်းတော့မှန်းမရပေ။
နှစ်ယောက်လုံးစီကနေ ဝိုင်နံ့တွေဟာ တထောင်းထောင်းထလျက်။

"ဘယ်လောက်တောင်သောက်ထားတာလဲ? ဟမ်?"

ဟယ်ရှင်းချွမ်က ခေါင်းခါပြတယ်။
"အများကြီးမသောက်ပါဘူး"

"အများကြီးမသောက်ရင်လည်း လမ်းတည့်တည့်လျှောက်စမ်းပါ!"
ဟယ်ရှင်းချွမ်ခါးကို သေချာဖက်ထားပြီး၊ အမူးသမားလေးကို အခန်းထဲဆွဲခေါ်ခဲ့ရတယ်။

ညဉ့်မနက်သေးဘူး၊ ဝိုင်တွေလျောက်သောက်နေတယ်!

အခန်းထဲရောက်ရောက်ချင်းပဲ၊ ဟယ်ရှင်းချွမ်က အိပ်ရာပေါ်ကွေးနေလေရဲ့။
မျက်နှာကတော့ နီရဲနေရှာပြီ။

ယန်ထန်က ပါးလေးကိုလက်ညှိုးနဲ့ထိုးကာ
"အမူးသမားလေး"

ဟယ်ရှင်းချွမ်က တစ်ခါမှအရက်မသောက်ဖူးဘူး။
နှစ်ခါလောက်အန်ပြီးနောက်မှာတော့၊ သတိပြန်ဝင်သွားပြီး သွားသေချာတိုက်နေတယ်။