[Unicode]
နှစ်သစ်တစ်ခုစတင်ခဲ့ပြီပဲ...ဟယ်ရှင်းချွမ်နဲ့အတူရှိခဲ့တဲ့ ၈နှစ်မြောက်။
ယန်ထန်ဟာ ကားထဲမှာထိုင်နေခဲ့တယ်၊ ကားအတွင်းပိုင်းရဲ့အပူချိန်ကြောင့် အအေးဓာတ်ကိုမခံစားရဘူး။
ကားမှန်တွေကတော့ မြူတွေကြောင့် ပိတ်ပိန်းနေခဲ့ပြီး၊ အပြင်ဘက်မြင်ကွင်းကို မမြင်နိုင်ပေ။သိပ်သည်းတဲ့နှင်းစက်တို့အောက်မှာ...လမ်းမကြီးထက်၊ လူသားတွေဟာ လှုပ်ရှားသွားလာလို့။
လက်ချင်းတွဲထားတဲ့ ငယ်ငယ်ရွယ်ရွယ်အတွဲတွေ...အရက်မူးနေပုံပေါ်တဲ့ လူကြီးပိုင်းတွေ။
လူတိုင်းဟာ မိမိဘဝနဲ့အလုပ်များနေကျတယ်...ထိုဘဝနဲ့ပဲ နေ့ရက်တွေကိုဆက်လက်ရှင်သန်တယ်။ကလေးဘဝရဲ့ယန်ထန်ဟာ အဘွားဖြစ်သူပြောစကားကို အများကြီးကြားခဲ့ဖူးတယ်။
သူ့ရဲ့အမေဖြစ်သူအကြောင်းပေါ့။
သူမက အရာရာမှာနှေးကွေးတယ်တဲ့...လမ်းလျှောက်လည်းနှေးတယ်...စကားပြောလည်းနှေးတယ်။
ဟာသတစ်ခုလောက် ပြောပြရင်တောင်မှ၊ အဓိပ္ပာယ်နားလည်သွားဖို့ အချိန်အကြာကြီးယူရတယ်တဲ့။ယန်ချောင်ဖန်းတက္ကသိုလ်တက်ချိန်တုန်းက၊ သူ့အမေဟာ မြို့ပေါ်မှာအလုပ်တက်လုပ်ခဲ့ရတယ်။
ဘဝမှာနှေးကွေးတတ်တဲ့ သူမ...အတော်လေးဒုက္ခရောက်ခဲ့ရမှာပဲ...မြို့ကြီးပြကြီးထဲမှာ။ကားသော့ကို ဆွဲဖြုတ်လိုက်ပြီး၊ ယန်ထန်က ကားထဲမှထွက်လာခဲ့တယ်။
သူရောက်နေတဲ့နေရာက၊ အိမ်နဲ့ဝေးနေတုန်းပဲ။
ဘယ်လိုလုပ်ပြီး ဒီနေရာကိုရောက်လာခဲ့တာလဲ?...
[ စာကျက်နေတယ် မနှောင့်ယှက်ပါနှင့်: ထန်ကော မူးပြီးအိမ်ရောက်လာသေးလား? ဖုန်းလည်းမကိုင်ဘူး! ကုမ္ပဏီမှာလည်းမရှိဘူးတဲ့! ]
[ စာကျက်နေတယ် မနှောင့်ယှက်ပါနှင့်: အရမ်းစိတ်ဆိုးနေပြီနော်!!! ]
[ အသန်မာဆုံးMVP ဖက်တီး: ငါ့အိမ်တော့မဟုတ်ဘူး၊ ငါနဲ့ချင်းချင်းက မိဘတွေအိမ်ရောက်နေတာ။ ဝူကျင်းတို့ဆီရောက်သေးလား? ]
[ လီချင်းက ဘဝနဲ့ဝူကျင်းကို ချစ်တယ်: ငါတို့ဆီလည်းမရောက်ပါဘူး။ ဝူကျင်းက ရေချိုးနေတယ်၊ ငါသွားမေးပေးမယ် ခဏစောင့်ဦး! ]
YOU ARE READING
Hedgehog And Tiger [Myanmar Translation]
RomanceTitle-刺猬与虎 Original Author-游目 Type-Web Novel 129 Chapters + 9 Extras Available in Both Unicode & Zawgyi I don't own the Story. I translate this from Google translate.So pls forgive me if I have any mistakes!