Hedgehog And Tiger [Myanmar Translation]

|96|

[Unicode]

လမ်းမထက်မှာ၊ ဆိုင်ခန်းတွေဟာ အနည်းနဲ့အများပြန်လည်ဖွင့်လှစ်လာကျပြီ။
အထူးသဖြင့်၊ စူပါမားကတ်တွေနဲ့ ရှော့ပင်းမောလ်တွေ။ နှစ်သစ်ကူးအတွက် ပြင်ဆင်နေခဲ့ပြီ။

ဟယ်ရှင်းချွမ်ဟာလည်း သူ့ရဲ့ဘွဲ့ရစာတမ်းကို စတင်ပြင်ဆင်နေပါပြီ။

အတန်းတွေဆက်မတက်တော့ဘဲ၊ ဆရာတွေကိုပါ နှုတ်ဆက်စကားပြောခဲ့သေးတယ်။

အိမ်မှာရှိတဲ့နေ့ရက်များအတွင်း၊ အပျင်းတစ်ချင်နေတဲ့ဖြူလေးဟာ ဘာဟင်းချက်ရမလဲကို တွေးတောနေမိပါတယ်။

ထိုအချိန်မှာပဲ...

"အန်ကယ်ရှင်းချွမ်! စာကြည့်ခန်းထဲကကွန်ပျူတာကို သားကစားလို့ရမလား?"
သူ့အင်္ကျီအနားစကိုဆွဲရင်း မေးခွန်းဆိုတဲ့ယုတုန်။

ဟယ်ရှင်းချွမ်က ကိစ္စရပ်တစ်ခုကိုပြေးတွေးမိတယ်
"တရုတ်စာနားလည်လို့လား?"

ယုတုန်က ခေါင်းခါပြပါတယ်။

"ဒါဆိုလည်း အန်ကယ်ထန်ပြန်လာတာကိုစောင့်ရအောင်! ဘာသာစကားပြောင်းခိုင်းကျမယ်လေ?"

"ဟုတ်ကဲ့!"
ခုန်ပေါက်နေတဲ့ယုတုန်က တီဗီရီမုတ်ကိုကောက်ကိုင်ပြီး၊ အင်္ဂလိပ်ဘာသာစကားနဲ့SpongeBobကို ဖွင့်လိုက်တယ်။

သူ့မျက်လုံးလေးများဟာဖြင့် အတောက်ပဆုံးပြုံးလျက်။

...

ဝရန်တာမှာမှီထားတဲ့ယန်ထန်ဟာ ဆေးလိပ်ကိုရှိုက်ဖွာနေကာ၊ ဖုန်းကိုလည်းကိုင်ထားခဲ့တယ်
"...ငါ ဒီနေ့အပြန်နောက်ကျလိမ့်မယ်။ တုန်တုန်ကို ၉နာရီလောက်ကျရင် အန်ဂျလာကလာခေါ်မယ်တဲ့"

"အိုး...ဒါဆိုလည်း ညစာသေချာစားဦးနော်"

"အင်းပါ၊ မင်းရော စားပြီးသွားပြီလား?"

"စားပြီးပြီ!"

ယန်ထန်ရဲ့ခပ်ဖွဖွရယ်သံနဲ့အတူ၊ ဖုန်းကျသွားခဲ့တယ်။

ဖုန်းချပြီးနောက်၊ ဟယ်ရှင်းချွမ်ဟာ သက်ပြင်းချမိတယ်။ ယုတုန်က သူ့ကိုအားကိုးတကြီးကြည့်နေတယ်လေ
"ကွန်ပျူတာ!"

"တုန်တုန်၊ အန်ကယ်ထန်က ဒီနေ့ပြန်မလာနိုင်တော့ဘူးတဲ့..."
ဟယ်ရှင်းချွမ်အကြည့်က ဟင်းပွဲအပြည့်နဲ့ထမင်းစား စားပွဲဆီရောက်သွားကာ
"ဒါမှမဟုတ်...အန်ကယ်တို့? တစ်ခုခုစားကျမလား?"