[Unicode]
ဟယ်ရှင်းချွမ်ဟာ အိပ်ရာထက်မှာ နှစ်ခြိုက်စွာအိပ်ပျော်လို့နေတယ်။
ယန်ထန်က လက်ပ်တော့ကိုဘေးချပြီး၊ အန်တီယွမ်လက်ထဲမှ မနက်စာပန်းကန်ကိုလှမ်းယူတယ်။
"အန်တီယွမ် နေ့လည်ကျရင် ရှင်းချွမ်ကိုဆေးရုံခေါ်သွားမှာမို့လို့၊ ပြန်ရင်ပြန်လိုက်လို့ရပြီနော်""ဟုတ်ပါပြီ"
အခန်းတံခါးကို ပြန်မပိတ်ခင်၊ အန်တီယွမ်က ယန်ထန့်ကို တစ်ချက်လှမ်းကြည့်မိတယ်။အမြဲရုပ်တည်နေတတ်တဲ့ သခင်လေးယန်ထန်ဟာ...ဆန်ပြုတ်ဇွန်းကို လက်တစ်ဖက်ကကိုင်ကာ၊ ကျန်တစ်ဖက်ကတော့ ဟယ်ရှင်းချွမ်ပုခုံးကို ခပ်ဖွဖွပုတ်နှိုးနေတယ်။
"ဖြူလေး၊ အိပ်မပျော်သွားနဲ့ဦး။ မနက်စာထစား"သခင်လေးယန်ထန်ရဲ့အသံက...သူမကြားဖူးခဲ့သမျှထဲမှာ...အနူးညံ့ဆုံးပဲ။
အန်တီယွမ်ဟာ အတတ်နိုင်ဆုံးအသံမထွက်အောင်၊ အခန်းတံခါးကို ညင်သာစွာပိတ်ခဲ့ပါတယ်။
အခန်းထဲမှကမ္ဘာငယ်လေးကို နှောင့်ယှက်မိမှာစိုးရိမ်သည့်အလား...
တဝါးဝါးသမ်းဝေရင်း၊ ဟယ်ရှင်းချွမ်က နိုးထလာတယ်။ မျက်လုံးလေးတွေပွတ်သပ်နေကာ၊ အပြည့်အဝနိုးကြားဟန်တော့မပေါ်ပေ။
ခရမ်းချဉ်သီးပန်းကန်ကို မြင်တော့၊ အားရဝမ်းသာပြုံးရယ်လို့သွားတယ်။
"ငါ့အဘွားက ငါ့ကိုဒါမျိုးလုပ်ကျွေးနေကျ"တူနဲ့ တစ်ဖတ်ကောက်ယူလိုက်ပြီး၊ ပါးစပ်ထဲတန်းထည့်တယ်။
အန်တီယွမ်က သေချာဂရုစိုက်ပြီးလုပ်ထားပေးတာ...အခွံတွေအားလုံးကို သေသပ်စွာနွှာထားတယ်။ယန်ထန်က သူ့နှုတ်ခမ်းထောင့်မှသကြားစလေးတွေကို၊ လက်မနဲ့ဖိသုတ်ပေးတယ်။
"ဆေးရုံသွားပြီးရင်၊ ဝူကျင်း ဖက်တီးတို့နဲ့ချိန်းထားတာရှိသေးတယ်။ ဘာစားချင်လဲ? ငါကြိုပြီးဘိုကင်လုပ်ထားမလို့""အရမ်းကြီးစားချင်နေတာမျိုးတော့မရှိပါဘူး..."
ဆန်ပြုတ်သောက်နေတဲ့ဖြူလေးဟာ တစ်စုံတစ်ခုကိုသတိရသွားပုံပါပဲ။ ဆန်ပြုတ်ပန်းကန်နဲ့ တူကို ပြန်ချလိုက်ကာ
"ချစ်သူလေး! အခုတလော ဟိုဟာမလုပ်ရတာကြာနေသလိုပဲ! ငါ့ကို အဲ့ဒါကျွေးသင့်တယ်!"
YOU ARE READING
Hedgehog And Tiger [Myanmar Translation]
RomanceTitle-刺猬与虎 Original Author-游目 Type-Web Novel 129 Chapters + 9 Extras Available in Both Unicode & Zawgyi I don't own the Story. I translate this from Google translate.So pls forgive me if I have any mistakes!