Hedgehog And Tiger [Myanmar Translation]

|98|

[Unicode]

ယုတုန်လေသံနဲ့ လိုက်စနေရတာ၊ အတော်လေးပျော်ဖို့ကောင်းသား။
နေ့လည်စာစားဖို့စားသောက်ဆိုင်ဆီ ရောက်လာခဲ့ကျပြီး၊ လမ်းတစ်လျောက်မှာ ဟယ်ရှင်းချွမ်ဟာ အန်ကယ်ထန်ဆိုတာကို ပါးစပ်ဖျားမှမချပေ။

ယန်ထန်က သူ့ကိုအလိုလိုက်မယ်ဆိုတာ၊ ဟယ်ရှင်းချွမ်သိထားတယ်လေ။
အဲ့တော့၊ လူရှေ့သူရှေ့လည်း 'အန်ကယ်ထန်'လို့ အော်နေတုန်းပါပဲ။

မီနူးကို လှန်လှောကြည့်ရှူနေပြီး၊ ဟင်းပွဲတွေကို မှာယူလိုက်တယ်။
"အရမ်းအစပ်မများစေနဲ့။ ကြက်သွန်နီ ဂျင်းနဲ့ ကြက်သွန်ဖြူကိုလျော့သုံးပေး"

ယန်ထန်က ဒီဆိုင်မှာအမြဲလာစားနေကျ၊ ဆိုင်ရှင်ကလည်း ဝူကျင်းနဲ့ခင်တယ်။

ယန်ထန်ရောက်လာကြောင်းကို သိတော့၊ ဆိုင်ရှင်က ဆိုင်မန်နေဂျာမှတဆင့် ဝိုင်တစ်ပုလင်းပို့ပေးတယ်။

"အန်ကယ်ထန်၊ စွပ်ပြုတ်ပန်းကန်ပေးပါဦး"

ယန်ထန်က မကြည်သလိုကြည့်လာတယ်။
သို့သော်လည်း၊ လက်ကတော့ စွပ်ပြုတ်ခွက်ဆီရောက်နှင့်နေပါပြီ။

ကြက်စွပ်ပြုတ်ဟာ မွှေးပျံ့ပြီး၊ စားချင်စဖွယ်ရှိလှတယ်။ မျှစ်နုနုလေးများဟာလည်း ချိုမြိန်နူးအိလျက်။

စနောက်ရလို့ ပျော်ရွှင်နေတဲ့ဖြူလေးဟာ၊ ချက်ချင်းမျက်စိမျက်နှာပျက်သွားလေရဲ့။
မှန်သားပြင်တွေမှတဆင့်၊ ဆိုင်အပြင်ဘက်ကို လှမ်းကြည့်နေတယ်။

"ဘာဖြစ်လို့လဲ? အဆက်ဟောင်းတွေတွေ့လို့ ပုန်းနေတာလား?"
ယန်ထန့်လေသံက ရွှတ်နောက်နောက်ဖြင့်။

"ရှူး!!! ငါ့ရဲ့ဘော့စ်ကိုမြင်လိုက်လို့!"

ယန်ထန်ကပါ အပြင်ကိုလှမ်းကြည့်မိတယ်။
သန့်ပြန့်တဲ့အနောက်တိုင်းဝတ်စုံနဲ့၊ အထက်တန်းကျကျအမျိုးသားတစ်ယောက်။

ယန်ထန်က ပြုံးတယ်။
ထို့နောက်မှာတော့ အသံကျယ်ကျယ်ဖြင့်
"ရှင်းချွမ်! ငါးခရမ်းသီးနှပ်စားရတာ ကြိုက်တယ်မလား? ဘာလို့ အခုထိမစားရသေးတာလဲ?"

ထိတ်ပြာသွားတဲ့ဖြူလေးဟာ ဆိုင်တံခါးဝကို အမြန်လှမ်းကြည့်ပါတော့တယ်။