Hedgehog And Tiger [Myanmar Translation]

|97|

[Unicode]

မီးရှူးမီးပန်းတွေရဲ့ အခွံလက်ကျန်၊ အနီရောင်စာရွက်အများအပြားကို အမှိုက်ပုံးတွေထဲမှာ တွေ့မြင်နိုင်ပါတယ်။

သန့်ရှင်းရေးအန်တီကြီးက လက်ထဲမှာပဲနို့ဗူးနဲ့၊ ကျန်လက်တစ်ဖက်ကတော့ တံမြက်စည်းကိုကိုင်ထားလျက်။ သစ်ရွက်ကြွေတွေကို ရှင်းလင်းသိမ်းဆည်းရန်အတွက်ပေါ့။

လေထုက စိုစွတ်ပြီး၊ မြေသင်းနံ့လေးရနေတယ်။
ညောင်ပင်ရဲ့ သစ်ရွက်စိမ်းစိုစိုများဆီမှ၊ တစ်စက်ချင်းစီးကျနေတဲ့မိုးရေစက်တို့ဟာ မြေပြင်ဖြင့်ရိုက်ခတ်မိသံကို ဖြစ်ပေါ်စေတယ်။

"ရှင်းချွမ်! အလုပ်သွားတော့မလို့လား?"

ဟယ်ရှင်းချွမ်က ခေါင်းလေးညိတ်ပြရင်း၊ အိတ်ကပ်ထဲမှ ဝက်ပေါင်ခြောက်ကိုထုတ်ယူလိုက်တယ်။
ထို့နောက်မှာတော့၊ လမ်းမထက်မှ လေလွင့်ကြောင်ငယ်လေးကို ကျွေးမွေးနေပါတယ်။

"အန်တီလည်း ဒီနေ့အစောကြီးပါလား?"

သန့်ရှင်းရေးအန်တီကြီးက အပြုံးလေးဖြင့်
"ရှင်းချွမ်လည်း အလုပ်များနေတာချည်းပဲနော်! ကျောင်းတက်တုန်းမှာ ကောင်မလေးရှာပါဆို။ အခုတော့၊ ရည်းစားထားဖို့အချိန်ပါ မကျန်တော့ဘူးမလား!?"

"ကျွန်တော်သိပါတယ် အန်တီ။ ဒါဆို ကျွန်တော်သွားလိုက်ဦးမယ်နော်"
ကြောင်လေးရဲ့ခေါင်းကို ပွတ်သပ်ပေးလိုက်ပြီး၊ ဘတ်စ်ကားမှီဖို့အတွက် အမြန်ပြေးရပါတော့တယ်။

ဟယ်ရှင်းချွမ် အလုပ်သင်ဆင်းရတဲ့နေရာက၊ သူတို့ကျောင်းနဲ့ မနီးမဝေးမှာတည်ရှိတယ်။
စန်းအာလည်း အင်တာဗျူးအောင်သွားတယ်လေ။
သူတို့နှစ်ယောက်လုံး လောင်ကွမ်ရှေ့မှာ ခေါင်းမဖော်ရဲလောက်အောင်ပါပဲ၊ စာမေးပွဲမအောင်လို့ စိတ်ဆိုးနေသူကြီးရှေ့ပေါ့။

ဥပဒေရေးရာဌာနဆီ မဝင်ရခင်မှာ၊ ဟယ်ရှင်းချွမ်ရွေးချယ်ခဲ့တာက ဝတ်လုံတော်ရရှေ့နေ။
မြေနှင့်အမွေခံကိစ္စရပ်တွေ၊ ပိုင်ဆိုင်မှုပြဿနာတွေအပေါ် အထူးပြုတဲ့ရှေ့နေမျိုးပေါ့။

တံခါးကို ဖြတ်ကျော်ဝင်ရောက်လာတော့၊ သူ့ကိုဝိုင်းကြည့်နေတဲ့ အလုပ်သင်များတစ်စု။
မျက်လုံးတွေကတော့ 'အသက်ရှင်လျက်လွတ်မြောက်နိုင်ပါစေ' ဆိုတဲ့အကြည့်များဖြင့်။