Hedgehog And Tiger [Myanmar Translation]

|38|

[Unicode]

အဘွားဆီလာလည်တဲ့လေးရက်လုံးမှာ၊ နှစ်ယောက်လုပ်ဖြစ်နေတာက အလုပ်တွေချည်းပဲ။

ပြောင်းဖူးတွေကို နေပူလှန်းဖို့အတွက် ခြံထဲမှာဖြန့်ကျဲထားရတယ်။
တစ်နာရီခြားတစ်ခါ၊ ပြောင်းဖူးတွေကိုဘက်ပြောင်းပေးရသေးတယ်။

အမျိုးသားနေ့ဖြစ်ပေမဲ့၊ တောရွာဘက်တွေမှာက နေ့လည်ခင်းရဲ့ အပူချိန်မြင့်မားမှုရှိနေတုန်းပဲ။
လှုပ်လှုပ်ရှားရှားမနေတာတောင်မှ အိမ်ထဲမှာထိုင်နေယုံနဲ့တင်၊ ဟယ်ရှင်းချွမ်ဟာ ချွေးပြိုက်ပြိုက်ကျနေရပြီ။

ခြံထဲမှအဘွားက လှမ်းအော်တယ်
"ထန်ထန်! အတန်းဖော်လေးကို မြစ်ဆီခေါ်သွားလိုက်! အရမ်းပူနေတာ ရေချိုးလို့ရအောင်လေ!"

"ဟုတ် အဘွား!"

ရွာထဲမှလူအားလုံးနီးပါးဟာ မြစ်ဆီ ရေချိုးဖို့လာလေ့ရှိတယ်။
ယန်ထန်က ဒီအချက်ကိုကောင်းစွာနားလည်ထားတယ်၊ အဲ့တော့ လူရှင်းတဲ့မြစ်အထက်ပိုင်းဆီသို့သာ ဟယ်ရှင်းချွမ်ကိုခေါ်လာခဲ့လိုက်တယ်။

မြစ်က ရေတံခွန်သေးသေးလေးဆီကနေ စီးဆင်းလာတာ။
ဆောင်းရာသီအတွင်းဆို ရေတွေဟာအေးခဲနေပြီး၊ ရေခဲပြင်စကိတ်တောင် စီးလို့ရသေးတယ်။

ယခုလက်ရှိမှာတော့၊ နေမင်းကြီးဟာ တိမ်ထူထူတွေကြားထဲ ဝင်ရောက်ပုန်းကွယ်နေပြီ။
မြစ်ရဲ့ရေပြင်ဟာလည်း အေးမြပြီး ကြည်လင်တယ်။
ဟယ်ရှင်းချွမ်က အဝတ်အစားတွေကိုချက်ချင်းဆွဲချွတ်တယ်၊ ထို့နောက်မှာတော့ ရေထဲဝင်စိမ်နေလိုက်တယ်။

"ပြန်ရောက်ရင် အဘွားကို လက်ဖက်ရည်နွေးနွေးလေးကျိုခိုင်းရမယ်။ အပူမရှပ်စေနဲ့နော်"

"ခါးခါးကြီးမလား?"

"မင်းအတွက်က ပျားရည်ထည့်ပေးမယ်လေ"

ကျေနပ်သွားတဲ့ဖြူလေးဟာ ရေတွေထဲခေါင်းငုပ်လို့သွားတယ်။
ဟယ်ရှင်းချွမ်က ရေမကျွမ်းပါဘူး၊ အသက်ရှူတော့ ခဏအောင့်နိုင်တယ်လေ။
သို့သော်လည်း ကျောက်တုံးကိုတက်နင်းမိကာ၊ နောက်ပြန်လန်ကျသွားရှာတယ်။

မျက်လုံးတွေကိုပိတ်လိုက်ပြီး ရေပေါ်မျောတဲ့ခံစားချက်လေးကိုသာ ခံစားကြည့်နေလိုက်တယ်။