Hedgehog And Tiger [Myanmar Translation]

|36|

[Unicode]

အိမ်ငယ်လေးဟာ နွေးထွေးတဲ့အငွေ့အသက်တွေပေးစွမ်းနိုင်တယ်၊ ဝရန်တာမှာလည်း ပန်းအိုးတွေအပြည့်ဖြင့်။
ဟယ်ရှင်းချွမ်က အပင်စိုက်ရတာကြိုက်တယ်လေ။

"ရှင်းချွမ် အဝတ်အစားတွေထည့်ပြီးပြီလား?"

ပြန်ဖြေသံမကြားရတာကြောင့်၊ ယန်ထန်က အခန်းထဲသို့သာတန်းဝင်သွားလိုက်တယ်။
ဟယ်ရှင်းချွမ်အဝတ်အစားတွေက ပျံ့ကျဲနေပြီး၊ အဝတ်အိတ်ထဲမှာတော့ တစ်ထည်မှရှိမနေဘူး။

ကြမ်းပြင်ပေါ်ငုတ်တုပ်ထိုင်နေတဲ့ ဖြူလေးက
"ငါလည်း မင်းနဲ့လိုက်ပြီးအဘွားကိုတွေ့ချင်တယ်!"

ယန်ထန်က နူးညံ့စွာသာပြုံးနေရင်း၊ အဝတ်အစားတွေကို သေချာခေါက်ပေးတယ်။
အဝတ်အိတ်ထဲထည့်ပေးနေပြီး
"ဘယ်သူက မင်းအဘွားလဲ? အတင်းကြီးအမျိုးတော်မနေနဲ့"

ဟယ်ရှင်းချွမ်က အဝတ်အိတ်ကိုဆွဲယူပြီး ဘေးတွန်းပို့လိုက်တယ်။
ယန်ထန်ကို ကော်ဇောပေါ်တွန်းလှဲချကာ၊ နှုတ်ခမ်းထောင့်စွန်းကို လျှာလေးနဲ့သပ်တယ်။

နှစ်ယောက်တွဲပြီးကတည်းက၊ ဟယ်ရှင်းချွမ်ဟာ နည်းမျိုးစုံနဲ့ကို ကပ်တွယ်နေတတ်တော့တာ။

"ခွေးပေါက်လေးလား?"

"မဟုတ်ပါဘူး! ထန်ကောရဲ့ဖြူလေးလေ"

အိမ်မှာလူးလှိမ့်နေလိုက်တာ ရထားတောင်လွတ်တော့မလိုဖြစ်သွားတယ်။
ရထားဂိတ်ထဲဝင်သွားသူကိုမြင်မှ ယန်ထန်သက်ပြင်းချနိုင်တော့တယ်။

လည်ပင်းနားက ခပ်စူးစူးခံစားချက်လေး။
ဒီဖြူကတော့ အရမ်းကဲတာပဲ!

ကော်လာစကိုဆွဲမြှင့်ရင်း စတော်ဘယ်ရီသီးတွေကိုမနည်းဖုံးနေရတယ်။
ပြီးတော့ သူ့အတွက်ဘတ်စ်ကားကိုစောင့်ရဦးမယ်။

သူ့အဘွားရဲ့အိမ်က မြို့နဲ့သိပ်မဝေးပါဘူး။

"အဘွား!"
သူ့အဘွားက ပြောင်းဖူးစိုက်ခင်းထဲမှာ ပြောင်းဖူးချိုးရင်း အလုပ်များနေခဲ့တာ။

သူ့ကိုမြင်တော့ ဝမ်းသာအားရလှမ်းအော်ခေါ်တယ်
"ထန်ထန်!"

အမြန်ပြေးလာတဲ့အဘွားကိုကြည့်ပြီး ယန်ထန်ဟာမပြုံးဘဲမနေနနိုင်တော့ဘူး။
"ဖြေးဖြေးလာပါ! ချော်လဲကျနေဦးမယ်!"