Extraordinary Marriage
[ထူးခြားသော လက်ထပ်ခြင်း ]
♥️ အပိုင်း 70 ♥️
ကောင်းစက် လူခေါ် Bell လေးကို နှိပ်ပြီး ခဏအကြာမှာပဲ ဖောင်းဖောင်းရဲ့ အမေ အန်တီသိမ့်က ခြံတံခါးကို လာဖွင့်ပေးသည်။
"ဪ သားပါလား....."
"ဟုတ် အန်တီ .... ဒီနေ့ သားတို့အိမ်မှာ ရှမ်းခေါက်ဆွဲလုပ်စားဖြစ်လို့ မာမီက လာပို့ခိုင်းလို့ပါ....."
"အခုလို လာပို့တာ ကျေးဇူးအများကြီးတင်ပါတယ်သားရယ်..... အိမ်ထဲ၀င်ဦးလေ သား ..... "
အန်တီသိမ့်က သူ့ဆီမှ ချိုင့်ကို ယူပြီး အိမ်ထဲ၀င်ဖို့ခေါ်တော့ ကောင်းစက် ခေါင်းလေးငြိမ့်ပြကာ အိမ်ထဲ၀င်လိုက်သည်။
"သားသူငယ်ချင်းကတော့ အခုထိ အိပ်တုန်းပဲ သားရေ ..... "
"ဟုတ်အန်တီ "
ဖောင်းဖောင်း ခေါ် ယွန်း၀တီခေတ်ရဲ့ အကြောင်းကို ပြောပြနေတာကြောင့် ကောင်းစက် ခေါင်းလေးပဲ ငြိမ့်လိုက်သည်။
"သား ဒီမှာ ခဏထိုင်ဦးနော်..... အန်တီ ချိုင့်လေး သွားလှယ်လိုက်ဦးမယ်....."
"ဟုတ်အန်တီ "
အန်တီသိမ့် ညွှန်ပြတဲ့ Sofa မှာ ကောင်းစက် ၀င်ထိုင်လိုက်ပြီး အိမ်ထဲကို တစ်ချက်မျက်လုံးဝေ့ကာ ကြည့်လိုက်သည်။
အန်တီသိမ့်ကတော့ ချိုင့်လှယ်ဖို့ဆိုပြီး မီးဖိုချောင်ထဲကို ၀င်သွားသည်။
ထို့နောက် ဘာရယ်မဟုတ် showcase ပေါ်မှာရှိနေသည့် ဓာတ်ပုံလေးတွေဆီ ကောင်းစက် အကြည့်ရောက်သွားတော့ ထိုင်နေရာမှ ထကာ ကြည့်လိုက်မိသည်။
ပထမဆုံးပုံလေးက မွေ့ယာပေါ်မှာ ကိုယ်တုံးလုံးလေးနဲ့ ၀မ်းလျားလေးထိုးနေတဲ့ ကလေး ၁ယောက်ရဲ့ ပုံဖြစ်သည်။
ကလေးလေးက ဖင်တုံးလုံးလေးနဲ့ ချစ်စရာလေးမို့ ကောင်းစက် ပြုံးလိုက်မိပြီး တစ်ဆက်ထဲမှာပဲ ဒီကလေးလေးက ဖောင်းဖောင်းများလားဟု တွေးမိသွားရသည်။
အန်တီသိမ့်တို့ဆီမှာ ဖောင်းဖောင်းကလွဲပြီး တခြားကလေးမရှိတာကို စဥ်းစားမိသွားတဲ့ အချိန်မှာတော့ ကောင်းစက်ချက်ချင်းပဲ အကြည့်ကို လွှဲလိုက်မိသည်။
YOU ARE READING
♥️ Extraordinary Marriage ♥️
Romanceမိဘတွေဆုံးပါးသွားပြီးထဲက အဖိုးဖြစ်သူရဲ့ တင်းကျပ်လွန်းတဲ့ စည်းကမ်းတွေကြားမှာ ရှင်သန်ခဲ့ရတဲ့ 'ရှင်မွေ့ဖြူ' ဆိုတဲ့ မိန်းကလေး။ Dream Production ရဲ့ CEO စက်မဟာတည်နဲ့ လက်ထပ်ရမယ်ဆိုတဲ့ အဖိုးဖြစ်သူရဲ့ အမိန့်ကို တသွေမသိမ်း နာခံခဲ့ရပြီး လောင်းရိပ်ကျတဲ့ အိမ်ထ...
