♥️ Extraordinary Marriage ♥️
[ထူးခြားသော လက်ထပ်ခြင်း ]
အပိုင်း 88
"ဒီကာတွန်းကားက Pixar နဲ့ Walt Disney နှစ်ခုပေါင်းပြီး လုပ်ထားတာ မမဖောင်းဖောင်းရဲ့.....အရမ်းကောင်းတယ်လို့သားသားသူငယ်ချင်းတွေက ပြောတယ်.....အဲ့တာ သားသားနဲ့ မမ အတူတူကြည့်ကြမယ်နော်......"
"အာ အဲ့ဒီကားလေး မမသိတယ် ခွန်းစက်ရဲ့ ..... ဟိုနေ့ကပဲ လိုင်းပေါ်မှာတွေ့လိုက်တာ..... အဲ့ထဲက မမလဲ ကြည့်ချင်နေတာ.....အခု အတော်ပဲ ဖြစ်သွားတာပေါ့......"
သူမစကားကြောင့် ခွန်းစက်လေးက မျက်၀န်းလေးတွေတောက်ပပြီး ပျော်သွားရှာသည်။
" မမ ဖောင်း ဖောင်း ရွန်းကို ရှီရှီ "
ယွန်းလေးကလဲ သူမအနား ရောက်လာကာ ချီဖို့ပြောလာတာကြောင့် ယွန်းကို ချိုင်းလေးကနေ ဖောင်းဖောင်း အသာပွေ့ချီလိုက်သည်။ ပြီးနောက် သူမပေါင်ပေါ်မှာ ထိုင်ခိုင်းလိုက်တော့ ယွန်းက ကျေနပ်သွားဟန်ဖြင့် သူမအား ခေါင်းလေးမော့ကာ ပြုံးပြလာလေသည်။ ထို့ကြောင့်ဖောင်းဖောင်းလဲ အသည်းယားစွာဖြင့် ယွန်းရဲ့ ပါးအိအိတုံတုံလေးကို ခပ်ဖွဖွ ငုံ့နမ်းလိုက်မိသည်။
"Woof .... Woof "
ကာတွန်းကား စလာတာနဲ့ Fluffy ကလဲ သူမတို့ထိုင်နေသည့် ဆိုဖာရဲ့ ခြေရင်းမှာ သက်တောင့်သက်သာ ၀င်လှဲကာ သူပါ ကာတွန်းကားကြည့်ဖို့ ပြင်လေသည်။
ကောင်းစက်ကတော့ အနောက်မှာ သူမယူလာတဲ့ ဖက်ထုပ်ဘူးတွေကို သွားလှယ်နေ၏။ မင်းစက်လေးကလဲ ကောင်းစက်နဲ့အတူ နောက်ဖေးကို လိုက်၀င်သွားသည်။
*
"ဖောင်းဖောင်းတို့အမေက တကယ်ဟင်းချက်တော်တာပဲ .....ဖက်ထုပ်ပေါင်းလေးတွေက မွှေးနေတာပဲ ..... သားတို့ စားကြတော့မလား......"
"ဟို မစားသေးဘူး ဖွားဖွားမြ ..... သားတို့ခဏနေမှ စားမယ်ရယ်......"
"အေးအေး အဲ့တာဆို သားတို့စားခါနီးမှ ဖွားဖွားမြ ထပ်နွှေးပေးမယ်နော်......"
"Eeeee ....ကိုကိုရေ သားကို ဒီခုံလေး ဆွဲပေးပါလား ..... သား မနိုင်လို့ ...."
YOU ARE READING
♥️ Extraordinary Marriage ♥️
Romanceမိဘတွေဆုံးပါးသွားပြီးထဲက အဖိုးဖြစ်သူရဲ့ တင်းကျပ်လွန်းတဲ့ စည်းကမ်းတွေကြားမှာ ရှင်သန်ခဲ့ရတဲ့ 'ရှင်မွေ့ဖြူ' ဆိုတဲ့ မိန်းကလေး။ Dream Production ရဲ့ CEO စက်မဟာတည်နဲ့ လက်ထပ်ရမယ်ဆိုတဲ့ အဖိုးဖြစ်သူရဲ့ အမိန့်ကို တသွေမသိမ်း နာခံခဲ့ရပြီး လောင်းရိပ်ကျတဲ့ အိမ်ထ...