I'm Born as an Eryndor! (Season 1&2)

Chapter 3

#CHAPTER03

"Tahan na, Rini..." natatarantang pag-alo sa akin ng unang prinsipe. Binuhat niya ako. Dinuduyan-duyan niya ako, nagbabakasakali siya na tumahan na ako mula sa pag-iyak.

Pero hindi ko magawang tumahan dahil sa mga nakita ko kanina. It seems like, I got traumatized! Hindi ako makapaniwala makikita ko ang mga bagay na 'yon para sa hinaharap! Hindi ko kayang makita ang mga Eryndor sa estado na 'yon! Hinding ko kayang makakita ng mga nakakalat na dugo sa paligid ko! I never thought they could taste the downfall in the hands of that man!

"Rini..." rinig ko ang panginginig ng boses niya, parang hindi na niya alam kung ano ang dapat niyang gawin para mapatigil ako sa iyak. "Pakiusap..."

Bahagya akong tumigil sa pag-iyak. Tumitig ako sa kaniya na may lungkot sa aking mga mata. Hindi ko alam kung bakit pero inangat ko ang isang kamay ko, inaabot ko ang kaniyang mukha. Mukhang nakuha naman niya ang gusto kong mangyari. Inilapit pa niya ako sa kaniyang mukha hanggang sa marahan na dumapo ang aking palad sa kaniyang pisngi.

"Anong nangyayari?!" rinig kong malakas na boses ni Nesta na papalapit sa amin, bakas sa boses niya ang pag-aalala. Rinig ko din ang kaniyang pagsinghap nang makita niya din ang unang prinsipe dito sa kuwarto ko. Dahil d'yan ay nagbigay-pugay siya. "N-narito po pala kayo, mahal na prinsipe... Prinsipe Raegan..."

"Bumisita lang ako upang makita ang prinsesa." naging pormal ang tono at tindig niya nang nakaharap niya si Nesta. "Tila nagising siya nang maramdaman niya ang pagdating ng kaniyang nakakatndang kapatid." saka bumaling siya sa akin. Ang hindi ko lang inaasahan ay ginawaran niya ako ng isang matamis na ngiti.

Kumurap-kurap ako nang nakatitig sa kaniya.

Inalis niya ang kaniyang tingin sa akin saka ibinalik niya ako sa kuna ko. Marahan niyang itinapik ang aking ulo. Nanlaki ang mga mata ko nang hinalikan pa niya ang noo ko! Umakyat na yata ang lahat ng dugo ko sa aking ulo! What the hell?!

"Sana ay maging maganda ang iyong panaginip, aming prinsesa." malumanay niyang sabi. Naglakad na siya palayo sa kuna at muli siyang nagsalita. "Ipag-uutos ko sa mga kawal na higpitan pa ang pagbabantay sa silid ng prinsesa."

"Naiitindihan ko po, mahal na prinsipe Raegan." tugon naman ni Nesta.

Rinig ko ang pagsara ng pinto. Agad ako dinaluhan ni Nesta na may pag-aalala sa kaniyang mukha. She gave me a soft and sweet smile. Hinimas niya ang aking ulo.

"Ang prinsesa ay kaibig-ibig kaya hindi mapigilan ang pagbisita ng mga kamahalan para sa inyo, mahal na prinsesa..." marahan niyang sambit. "Kailangan mo nang matulog, kamahalan." saka pinatay na niya ang mga ilaw sa silid.

**

Ilang linggo nang nakalipas simula nakabonding ko ang mga Eryndor pati ang pagbisita sa akin ng unang prinsipe na si Raegan. Pagkatapos n'on ay wala na. Wala na akong natatanggap na balita mula sa kanila. Siguro ay dahil abala na sila tungkol sa politika tulad nang narinig ko sa usapan nina Vencel at ni Raegan. Ang dalawa ko pang nakakatandang kapatid na sina Eomund at Cederic ay marahil ay abala din sila sa pag-aaral o pag-eensayo. Naiitindihan ko sila. They are the pillars of this Empire.

I can't count how many times I hardly shut my eyes. I'm practicing how to see what more will happend in the future. Kung ano ang pinagkaugatan kung bakit hindi babagsak ang Imperyo ng Eryndor sa hinaharap. Sinu-sino ang mga tao ang nasa likod nito? Sino ang mga kalaban o kung sino ang mga kakampi?

Binagsak ko ang likod ko sa aking kuna. Ugh, kahit anong gawin ko ay ayaw. Ayaw na ipakita sa akin ang mga dapat kong malaman pa! Nakakainis. Kailangan kong lutasin ang mga ito bago ako tuluyang lumaki o nasa tamang edad na ako, sa gayon ay maiambag naman ako. Ano pang silbi na naging prinsesa ako kung nakatunganga lang ako, hindi ba?