The newest hanamichi sakuragi(Cold-hearted)

Chapter 23

Lunes ng umaga abalang abala na agad ang lahat sa paghahanda, paghahanda para sa preliminaries na gaganapin na ngayong araw. Ang araw na magkakaharap harap ang buong koponan ng kanagawa prefectures.

"Bakit wala parin si sakuragi? Anong oras na oh?" Aligagang saad ni captain tetsu na tinatanong ang kasamahan din nitong kakarating lang din.

"Cap, baka tulog pa. Ikaw ba naman pagpractisin ng magdamay kahapon sino ba namang hindi mapapagod." Pagpaparinig ni shintaro na sinamaan naman ni captain tetsu.

"Tss. Hindi ko naman sinabi sakanyang mag damag e. Alam niya namang may laro tayo tapos malelate siya." Saad ulit captain tetsu.

"Teka tetsu, himinahon ka nga. Hindi naman natin pag lalaruin si sakuragi ng first half diba? Sa second na." Pag singit ni coach sa mga players

"Kahit na coach. Ito rin kasi iyong araw na pinakahihintay niya e. Ang laban sa pagitan nila ng shohoku." Bulong na saad ni tetsu

"naiintindihan ko. Mag tiwala ka nalang kay sakuragi, makakarating iyon bago mag second half."

Si aki naman ay hindi narin mapakali sa biglaang nangyari, wala naman kasing sinabi sakanya si sakuragi na malelate ito. Basta Inihatid nalang siya nito sa bahay..

"Nandito naman si rukawa ah? Hayaan niyong si rukawa ang lumampaso sa mga iyon. Reserba na lang natin si sakuragi." Saad ni kiyo dahilan para mabatukan siya ni takasugi sa ulo.

"Gago. Wag mong mamaliitin ang mga kalaban, shohoku ang unang kakalabanin natin ngayon." Saad ni takasugi na kinanguso naman ni kiyo habang hinihimas ang ulong binatukan.

"Pupuntahan ko nalang si sakuragi sa bahay nila, hintayin niyo nalang ako doon pag dadausan ng laro." Saad ni aki

"Sasamahan ko na siya." Presentang saad ni rukawa na kinalaki ng mata ng mga ito.

pinigilan ito ni captain tetsu habang naiiling.

"Aatakehin ako sainyo sa takot e. Wala na nga si sakuragi tapos susunod ka pa, wag niyo naman pasakitin ang ulo ko." Naistress na saad ni captain tetsu. Wala namang emosyong tinignan ni rukawa si aki bago tumango.

Tumango rin si aki bago dali daling tumakbo palabas ng kanilang gym. Una nitong pupuntahan ay ang bahay ni sakuragi, medyo malayo iyon rito pero kaya niya namang takbuhin.

habang binabaybay ang kalsada, inililibot niya rin ang kanyang paningin baka sakaling makita niya na si sakuragia.

-Meanwhile

Maagang nagising si sakuragi para mag asikaso ng dadalhin niya para sa laban, dalawang oras lang ang naitulog niya dala ng excitement na nararamdaman niya. Hindi siya mapakali habang inilalagay ang gamit sa bag niya, nagluto na rin siya ng light meal pang umagahan niya.

ilang saglit lang ay natapos rin siya at naligo na, wala pang kalahating minuto ay natapos na siya sa lahat at aalis na lang.

"ngayon ang araw na pinakahinihintay ko. Ang araw na mag tutuos kami ng mga dati kong kateammates." Saad ni sakuragi sa sarili.

Napabuntong hininga siya at sinarado niya na ang pintuan at gate ng bahay niya.

Matapos non ay naglakad na siya patungo sa direksyon ng tindahan, bibilhin niya ng makakain si aki kaya tumungo siya sa convenient store. Binili niya lang ang paborito nitong club sandwich at inumin na rin.

nang makabili na si sakuragi ay muli siyang naglakad patungo na sa direksyon ng okaido. Walang siyang kaexpre-expression habang may nakakasabayan siyang ibang player ng basketball, nakapamulsa pa nga ito.