အခန်း ၂၀၁ - ထွန်းတောက်ဒေါ်လာစစ်သည်
ချန်ဟုန်ဖုန်း ထိုသို့ပြောလိုက်သည်နှင့် သွားချောမွှတ်ဆင်ဖွတ်သည် တစ်ခေါက်သာသုံး၍ရသော သူ၏သီးသန့်စွမ်းရည် သွေးလောင်ကျွမ်းတိုက်ကွက်ကိုသုံးလိုက်ရာ သေအံ့ဆဲဆဲဖြစ်သွားတော့သည်။ ထိုအခိုက် ချန်ဟုန်ဖုန်း၏ တိုက်ရိုက်ထုတ်လွှင့်ခန်းရှိ ကြည့်ရှုသူများသည် တိုက်ပွဲကိုကြည့်ရင်း အသက်ပင်အောင့်ထားမိသွားသည်။အနက်သည် ခရမ်းပြာလျှပ်တပြတ်လိပ်ပြာကို ဆင့်ခေါ်လိုက်သောအခါက စကရင်ပေါ်တွင် မှတ်ချက်များပြည့်လာပြီး ဗီဒီယိုအားဖုံးသွားသည်။ ထို့နောက် အနက်သည် ခရမ်းပြာလျှပ်တပြတ်လိပ်ပြာအား ရွှေ ၆/ပြီးပြည့်စုံ ဧရာမရွှံ့မြီးဖွတ်၏စွမ်းရည်အား ချိပ်ပိတ်ရန်စေခိုင်းလိုက်သည်။
သူ၏အမိန့်ကို ရိုရိုသေသေနာခံလုပ်တောင်သော သူနှင့်ခရမ်းပြာလျှပ်တပြတ်လိပ်ပြာကြားရှိ လက်ဖျားခါလောက်သည်အထိ ညီညွတ်သောပူးပေါင်းမှုအား သူတို့မျက်မြင်တွေ့လိုက်ရပြီး ကြည့်နူးဖွယ်ဇာတ်ကားတစ်ကားကို ကြည့်နေရသလိုခံစားလိုက်ရသည်။ ရလဒ်အနေဖြင့် ဤလှပသောမြင်ကွင်းအား မှတ်ချက်ရေးပြီး မပျက်စီးစေချင်ပေ။
ချန်ဟုန်ဖုန်း၏တိုက်ရိုက်ထုတ်လွှင့်ခန်းတွင် ပင်တိုင်ဆောင်းပါးရှင်ထျန်နင်းနင်းအပါအဝင် လူများပြွတ်သိပ်လာသည်။ အနက်သည် အဆင့်တက်တိုက်ပွဲအား တိုက်ခိုက်နေပြီး သူ၏ပြိုင်ဘက်သည် တိုက်ရိုက်ထုတ်လွှင့်နေကြောင်းသူမကြားခဲ့သည်။ သူမသည် လုပ်လက်စအလုပ်များအားလုံးကို ပစ်ချကာ ချန်ဟုန်ဖုန်း၏တိုက်ရိုက်ထုတ်လွှင့်ခန်းအတွင်းသို့ ဝင်လာောတ့သည်။ အနက်နှင့်ချန်ဟုန်ဖုန်း၏တိုက်ပွဲကို တွေ့လိုက်သောအခါ သူမ၏ဆုံးဖြတ်ချက်မှာ ပို၍ပင်ခိုင်မာလာတော့သည်။
ထျန်နင်းနင်းသည် အမြဲတစေ အနက်မှာ ကျော်ကြားနေပြီးသတင်းဝင်နေမည့်အပေါ်အလောင်းအစားလုပ်သည်ဟု ဆိုရမည့်အစား ကြယ်ကွန်ယက်၏ပင်တိုင်ဆောင်းပါးရှင်တစ်ဦးအနေဖြင့် သူမသည်စာတတ်ပေတတ်တစ်ယောက်ဖြစ်သည်။ စာတတ်ပေတတ်တစ်ယောက်သည် အမြဲတစေ မာနရေးရေးမျှရှိနေတတ်သည်၊ သို့ဖြစ်ရာ ထျန်နင်းနင်းသည် သူမစိတ်ဝင်စားသောအရာများအကြောင်းကိုသာ ဆောင်းပါးရေးချင်ပြီး သူမအလိုရှိသောသူကိုသာ အင်တာဗျူးချင်သည်။
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...