အခန်း ၂၅၄ - ဒီကမ္ဘာပေါ်က ဘယ်အရာကမှ မင်းကိုမထိစေရဘူး
လင်းယွမ် လယိမ်းတောင်ဆီရောက်သောအခါ ဝိညာဉ်သားရဲတချို့ အဆင့်မြင့်ပြီးနောက် သေဆုံးသွားသည်အကိုင်းအခတ်တချို့ကို သန့်ရှင်းရေးလုပ်နေသော အဝါဖျော့ရောင် ဝိညာဉ်အခြွေအရံဝတ်စုံကို ဝတ်ထားသည့် ကျင်းချီကို တွေ့လိုက်ရသည်။
ကျင်းချီက လင်းယွမ်ကိုမြင်သည့်အခါ ခေါင်းကိုမြန်မြန် ငုံ့၍ သူ့ကိုနှုတ်ဆက်လာသည်။ "သခင်လင်းယွမ်ကို နှုတ်ဆက်ပါတယ်။"
ထို့နောက် လယိမ်းတောင်၏ တချို့ဂရုစိုက်ရမည့်နေရာများကို အလောတကြီးသွားတော့သည်။
ကျင်းချီသည့် ဘာကြောင့်မှန်းမသိသော်လည်း သူ့အပေါ်ယခင်ကကဲ့သို့ အတွေးများမရှိတော့ပေ။ သူမတွင် ကြောက်ရွံ့မှုနှင့် စိုးထိတ်မှုတစ်မျိုးရှိနေသည်။
ဝမ်ယွီကို လက်ထောက်အဖြစ်ရွေးချယ်ပြီးကတည်းက ကျင်းချီသည် အမြဲတစေကြောက်ရွံ့စွာနေခဲ့ရသည်၊ သူမကိုဝမ်ယွီပြဿနာလာရှာမည်ကို ကြောက်ရွံ့သည့်အတွက်ကြောင့်ပင်။ လင်းယွမ်က သူမကို ဝမ်ယွီအတွက်ကူညီဖြေရှင်းမည်ကိုလည်း ကြောက်သည်။
ယခုတွင် ဝမ်ယွီ၌ သူမ၏ဝိညာဉ်အခြွေအရံအဆင့်အတန်းကို စကားလုံးလေးများဖြင့်သာ ဖျက်ဆီးပစ်နိုင်စွမ်းကို ကျင်းချီသိသည်၊ လင်းယွမ်ကိုသာဆို ပြောစရာပင် မလိုတော့ပေ။
လရောင်ဖြာနန်းတော်ဆီသွားနေသော လင်းယွမ်ကတော့ သူမ၏အတွေးများကိုမသိပေ။ လူတစ်ယောက်သည် စိတ်ထင်မှတ်မှားရောဂါရနေလျှင် သေချာပေါက် လျင်လျင်မြန်မြန်ကုသရေးခံယူသင့်သည်ပင်။ လူတစ်ယောက်သ်ည မည်သည့်အမှားမှ မလုပ်ထားလျှင် စိတ်ထင်မှတ်မှားရောဂါရစရာအကြောင်းကို မရှိပေ။
လရောင်ဖြာနန်းတော်၏အဝင်ဝကိုရောက်သောအခါ သူ၏ဆရာသခင်သည် ခရမ်းဖျော့ရောင်ဝိညာဉ်အရည်များပါသည့် မြစိမ်းရောင်ပုလင်းတစ်ခုကို ကိုင်ထားသည်ကို တွေ့လိုက်ရသည်။ သူမ၏လက်ကောက်ဝတ်မှာ လှုပ်ရှားသွားပြီး ခရမ်းဖျော့ရောင် ဝိညာဉ်အရည်များက ပြင်းပြင်းထန်ထန် လှုပ်ရှားလာသည်။ သူ၏ရှေ့တွင် ခမ်းနားကြီးကျယ်သည့်အသက်စွမ်းအင်ရှိသည့် ရှေးဟောင်းသစ်ပင်ကြီးများ ကောင်းကင်ပေါ်သို့ထိုးတက်နေသကဲ့သို့ခံစားနေရသည်၊ ယင်းသည် အပြာရင့်ရောင်ကောင်းကင်ကြီးအား ထောက်ကန်ထားနိုင်သကဲ့သို့ ခံစားနေရသည်။
![](https://img.wattpad.com/cover/329898427-288-k137424.jpg)
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...