အခန်း ၂၆၀ - ထူးခြားသော မီးတောက်များ
မိခင်သွေးချိုးကန်သည် ကောင်းကင်နဲ့မြေကြီး၏ သန့်စင်မှုကိုတွေ့ကြုံရပြီး နယ်မြေရှင်/ဒဏ္ဍာရီ ၁ မှ ၂ အဖြစ် အဆင့်တက်ခဲ့သော အခါက လင်းယွမ်၏ခွန်အားကို သိရှိခဲ့ရသည်။
ယခင်တုန်းက သန့်စင်မှုကိုကြုံ့နေရသည့်အချိန် များများစားစားတွေးတောဖို့ အချိန်မရှိခဲ့ပေ။ သို့သော် အနည်းငယ်မျှ ချင့်ချိန်ပြီးသည့်နောက် လင်းယွမ်၏ခွန်အားက သူမကိုရှော့ခ်ရသွားစေသည်။
မိခင်သွေးချိုးကန်၏အမြင်တွင် လင်းယွမ်က လဧကရီ၏တပည့်ဖြစ်လျှင်ပင် ထိုမျှငယ်ငယ်ရွယ်ရွယ်ဖြင့် ဤသို့သောခွန်အားမျိုးပိုင်ဆိုင်ထားသည်မှာ အလွန်အမင်းရှော့ခ်ရစရာကောင်းလေသည်။
ယင်းမှာ မိခင်သွေးချိုးကန်သည် လင်းယွမ်ကိုအဆင့် ၃ ဒိုင်မင်းရှင်းအက်ကွဲကြောင်း၌ လေ့ကျင့်ရန် အကြံပြုရသည့်အကြောင်းရင်းဖြစ်သည်။
ရွှေတောင်ပံကျယ်ပြာမှုန့်ရောင်သစ်ပျံလွှား၏ ကျောထက် ထိုနေရင်း လင်းယွမ်သည် မနက်ပိုင်း ဆောင်းနှောင်းလေညင်းကို ကြိုဆိုလျက် မျက်လုံးမှိတ်အနားယူလိုက်သည်။
ရွှေတောင်ပံကျယ်ပြာမှုန့်ရောင်သစ်ပျံလွှားသည် တော်ဝင်မြို့တော်၌ အော်ဒါတင်နိုင်သည့် ရွှေပျံသန်းဝိညာဉ်သားရဲများအကြား အမြန်နှုန်း၌ အလွယ်တကူ ထိပ်ဆုံးသုံးနေရာကို ရောက်နိုင်သည်။ အရှိန်သည် ပလက်တီနမ်အံ့ဖွယ်ခရီးသွားပျံလွှားကို မယှဥ်နိုင်သော်လည်း ပို၍သက်တောင့်သက်သာရှိစေကာ လျင်မြန်ပါသေးသည်။ အနည်းဆုံးတော့ လင်းယွမ် တောင်ပံကျယ်ပြာမှုန့်ရောင်သစ်ပျံလွှားပေါ်၌ ထိုင်နေစဥ် သူ၏တင်ပါးမနာကျင်မှုကို မခံစားရပါပေ။
ထိန်းချုပ်ထားသည့် အဆင့် ၃ အသူတရာချောက်ဒိုင်မင်းရှင်းအက်ကွဲကြောင်းသည် တော်ဝင်မြို့တော်နဲ့ သိပ်မဝေးပေ။ တောင်ပံကျယ်ပြာမှုန့်ရောင်သစ်ပျံလွှားသည် ဦးတည်ရာကိုမရောက်မီ နှစ်နာရီမှသုံးနာရီထိ ပျံသန်းလိုက်ရသည်။
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...