အခန်း ၂၄၁ - အနက်နဲ့အဖြူ
လင်းယွမ်သည် သူ၏ လက်ရှိအခြေအနေကို ကြည့်လိုက်ပြီး စိတ်လိုလက်ရ အသက်ပြင်းပြင်းရှိုက်လိုက်မိသည်။ ချက်ချင်းပင်၊ လင်းယွမ်သည် နေ့နှင့်ညငွေဝိညာဉ်အမွေးများဖြင့် ဖွဲ့စည်းထားသော အတောင်လေးခုကို ထိန်းချုပ်လိုက်လေသည်။
အတောင်ပံလေးခုတဖျတ်ဖျတ်ခတ်နေစဥ် လင်းယွမ်၏ခြေထောက်များသည် မြေပြင်မှ ကြွစပြုလာကာ လေထုအလယ်သို့ရောက်လာသည်။ ယခုသူသည် လေထဲ၌ရှိနေရာ အနက်ရောင်တောင်ပံများကို ဝေ့ယမ်းဖို့ကြိုးစားကြည့်လိုက်သည်။
နေ့နှင့်ညငွေဝိညာဉ်သည် အလေးချိန် များများစားစားမရှိသော်လည်း အမွေးများသည် ပုံမှန်မဟုတ်စွာ မာကြောနေသည်။ ပစ်လွှတ်ကြည့်လိုက်မည်ဆိုပါက အလင်းရောင်ကို ဝါးမြိုနိုင်သည့် အနက်ရောင်မိုးကြိုးများပမာ ခံစားရပေလိမ့်မည်။အနက်ရောင် ငှက်မွေးများသည် လင်းယွမ်သတ်မှတ်ထားသော ပစ်မှတ်ဆီသို့ ပစ်ခတ်လိုက်သည်။ နေ့နှင့်ည ငွေဝိညာဉ်အမွေးများသည် အရင်းအမြစ်သဲ၏ သဲဝါဆီကျသွားသည်။ အမွေးများမှာ ချက်ချင်း ပျောက်ကွယ်သွားကာ သဲများနှင့်ရောနှောသွား၏။ တဆက်တည်းပင် သဲဝါနဲ့ ရောနှောသွားသော အမွေးများသည် မူပွားလာကြကာ ပြီးပြည့်စုံသော စက်ဝန်းတစ်ခု ဖြစ်လာသည်။
နေ့နှင့်ညငွေဝိညာဉ်အမွေးများ၏ တိုက်ခိုက်မှုအမြန်နှုန်းကို စမ်းသပ်ပြီးသည့်နောက်၊ လင်းယွမ်သည် အလွန်ခံနိုင်ရည်ရှိသော ဖယ်ရိုမန်းဂနိတစ်ပိုင်းကို ရွှေဝိညာဉ်သားရဲသိမ်းဆည်းသေတ္တာထဲမှ ထုတ်ယူလိုက်လေသည်။ ထို့နောက် ခွန်အားသုံးကာ အဝေးသို့ လွှင့်ပစ်လိုက်တော့သည်။
မိုးကြိုးများအဖြစ်သို့ ပြောင်းသွားသော အနက်ရောင်အမွေးငါးခုသည် ဖယ်ရိုမန်းဂနိကို တိုက်ရိုက်ထိုးဖောက်သွားပြီး မထင်ရှားသော အမှတ်အသားငါးခုကို ထင်ကျန်စေလေသည်။
လင်းယွမ် တိတ်တဆိတ် ခေါင်းညိတ်လိုက်မိသည်။ နေ့နှငိ့ညငွေဝိညာဉ်ဖြင့်ဖွဲ့စည်းထားသော အနက်ရောင်အမွေးများသည် ပလက်တီနမ်ဝိညာဉ်သားရဲများ၏အကာအကွယ်ကို မချိုးဖျက်နိုင်ပါချေ။ သို့သော် ရွှေကာကွယ်ရေးအမျိုးအစား ဝိညာဉ်သားရဲများကတော့ ခံနိုင်ရည်ရှိမည်မဟုတ်ပေ။ ဤသည်မှာ အနက်ရောင် အမွေးများ၏ တိုက်ခိုက်နိုင်စွမ်းပင်။
VOCÊ ESTÁ LENDO
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Açãoဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...