အခန်း ၃၀၃ - ဂရပ်(စ်)ဝိညာဉ်သားရဲများ
လင်းယွမ်သည် ဆူးနီကို ဆန်းပြားမျိုးသန့်ဖြစ်လာစေရန် အဖျက်စွမ်းအားထဲ၌ အသက်စွမ်းအင်ပါဝင်သော စိတ်စွမ်းအင်မှော်အက္ခရာကို သုံးရန် ဆုံးဖြတ်လိုက်သည်။ ဆူးနီသည် တိုက်ခိုက်ရန် ပန်းပင်လယ်အပေါ် ပိုပို၍ မှီခိုလာသည်ကို သူတွေ့နေရသည်။အလွန်တရာပြင်းထန်သော အစုလိုက်အပြုံလိုက်သတ်ဖြတ်မှုမှ သူနားလည်ခဲ့သော စိတ်စွမ်းအင်မှော်အက္ခရာသည် ဆူးနီနှင့် လိုက်ဖက်သည်ထက် ပို၍ လိုက်ဖက်လာရခြင်းမှာ ထိုစိတ်စွမ်းအင်မှော်အက္ခရာ၏ အဖျက်သဘောဆောင်သော ခံစားချက်ထဲတွင် ရုတ်တရက်ပေါက်ကွဲထွက်သောအသိတို့ ပါဝင်နေသောကြောင့်ဖြစ်သည်။
လင်းယွမ်၏အမြင်တွင်တော့ ထိုရုတ်တရက်ပေါက်ကွဲမှုအာရုံသည် ပစ်မှတ်တစ်ခုတည်းကို အဓိကအလေးထားသောစွမ်းအားပြင်းတိုက်ခိုက်ရေးဝိညာဉ်သားရဲအတွက် ပို၍သင့်တော်သည်။
အဖျက်စွမ်းအားထဲ၌ အသက်စွမ်းအင်ပါဝင်သော စိတ်စွမ်းအင်မှော်အက္ခရာသည်လည်း ဆူးနီနှင့်အမှန်တကယ် သင့်တော်နေရာ ထိုနှစ်ခုထဲမှ လင်းယွမ် ၎င်းကိုရွေးလိုက်ခြင်းဖြစ်သည်။မိခင်သွေးချိုးကန် ရွေးချယ်ထားသော တည်နေရာသို့ရောက်သောအခါ အံ့ဖွယ်ခရီးသွားပျံလွှားနက်သည် အဆုံးမဲ့တောအုပ်ရှိ နေရာကွက်လပ်တစ်ခုတွင် ရပ်နားလေသည်။
လင်းယွမ် အံ့ဖွယ်ခရီးသွားပျံလွှားနက်ပေါ်မှ ခုန်ချပြီးသည့်နောက် ပျံလွှားနက်သည် မိခင်သွေးချိုးကန်ထံမှ ဆားနှင့်ငရုတ်ကောင်းနယ်ပြီး စွပ်ပြုတ်လုပ်ခံရမည်ကို ကြောက်နေသကဲ့သို့ ပြုမူလာသည်။ ဝူးကနဲ အဝေးသို့ ပျံသွားလေသည်။
မိခင်သွေးချိုးကန်သည် အဆုံးမဲ့တောအုပ်၏ အနက်ပိုင်းသို့ရောက်သည့်အခါ လူအသွင်ပြောင်းလိုက်ပြီး လင်းယွမ်ကိုပြောသည်။ "ဒီနေရာက ဖန်တီးရှင်ဆရာသခင်တွေအတွက် တောတွင်းပစ္စည်းတွေ ရိတ်သိမ်းဖို့ အရမ်းသင့်တော်တယ်။ မင်း အဲ့လိုလုပ်မယ်ဆိုရင် ငါတို့ခရီးကို ပိုပြီး လျင်လျင်မြန်သွားဖို့တော့လိုမယ်။ ဒီနေရာမှာ ငါတို့အမြင့်ပျံနိုင်ရင် အံ့ဖွယ်ခရီးသွားပျံလွှားနက်ကိုတောင် ပိုပြီးဝေးဝေးပျံခိုင်းလို့ ရဦးမှာ။"
![](https://img.wattpad.com/cover/329898427-288-k137424.jpg)
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...