အခန်း ၂၄၀ - ကျောပေါ်က တောင်ပံလေးခု
လင်းယွမ်သည် ကြယ်ကွန်ယက်မက်ဆေ့ချ်၏အလိုအလျောက် အလိုအလျောက်စစ်ထုတ်ပေးသော လုပ်ဆောင်ချက်ကိုသုံးကာ ဝယ်ယူလိုသူများကို အမျိုးအစားခွဲလိုက်သည်။
မက်ဆေ့ချ်စစ်ထုတ်မှုသည် ပါဝင်သောအကြောင်းအရာပေါ်အခြေခံထားပြီး အရင်းအမြစ်အမျိုးအစားပစ္စည်းနှစ်ခုနှင့် နေ့နဲ့ညငွေဝိညာဉ် ၁ ကုဗမီတာနဲ့ပတ်သက်သည့် ဝယ်ယူသူများ၏မက်ဆေ့ချ်ကို အလိုအလျောက် စစ်ဆေးပေးသည်။
ကြယ်ကွန်ယက်မှစစ်ထုတ်ထားသော မက်ဆေ့ချ်များကြား၌ ယခုလေးတင် သူနေ့နဲ့ညငွေဝိညာဉ်ကိုဝယ်ယူလိုခဲ့သော ကြွယ်ဝကြီးပွားမှုကိုဖိတ်ခေါ်တယ် ဟူသည့်စျေးသည်လည်းပါသည်။
လင်းယွမ်သည် မက်ဆေ့ချ်ကိုဖွင့်လိုက်ရာ အစဥ်အလာမဟုတ်ဘဲ ကွဲပြားသော အရင်းအမြစ်အမျိုးအစားပစ္စည်းနှစ်ခုနှင့် နေ့နဲ့ညငွေဝိညာဉ် ၁ ကုဗမီတာနှင့်အတူ သူ၏မျက်ခုံးများကိုပင် မြင့်တက်စေသည့်မက်ဆေ့ချ်တစ်ခုကို တွေ့လိုက်ရသည်။
ကြယ်ဝကြီးပွားမှုကိုဖိတ်ခေါ်တယ် - "သူဌေး၊ ကျုပ်ခုနက အလုပ်ရှုပ်နေလို့ စာပြန်တာနှေးသွားတယ်။ ကျုပ်ကိုယ်ကျုပ် 'သခင်လေး'လို့သုံးမိမယ်ဆိုရင်လည်း နှုတ်ကျိုးနေတာမို့လို့ပါ။ စိတ်မရှိပါနဲ့ဗျ။
လင်းယွမ်သည် အရူးတစ်ယောက်မဟုတ်သည့်အတွက် ထိုသူဆိုလိုသည့်အဓိပ္ပါယ်ကို သဘာဝကျကျပင် နားလည်ပါသည်။ အကယ်၍နှုတ်ကျိုးနေခြင်းသာအမှန်ဖြစ်မည်ဆိုပါက စကားလုပ်ပြီးရှင်းပြနေမည်ပင်မဟုတ်ပေ။
လင်းယွမ်စာပြန်လိုက်သည်။
နက်ရှိုင်းတောင်အကြီးအကဲလင်း - "ကျုပ်ကို နေ့နဲ့ညငွေဝိညာဉ် ၂ ကုဗမီတာနဲ့ အရင်းအမြစ်အမျိုးအစားပစ္စည်း ၃ မျိုးပေးရင် ခင်ဗျားကို ရောင်းလိုက်မယ်။"
ထို့နောက် လင်းယွမ်သည် ကြွယ်ဝကြီးပွားမှုကိုဖိတ်ခေါ်တယ်၏ မက်ဆေ့ချ်ကို ပိတ်လိုက်ပြီး အရင်းအမြစ်အမျိုးအစားပစ္စည်းများအကြောင်းပို့လာသော မက်ဆေ့ချ်များကြားထဲမှ ရွေးချယ်လိုက်ပြီး အရမ်းကြီးထုံးတမ်းကိုသွေဖယ်မနေသည့် အရင်းအမြစ်အမျိုးအစားနှစ်ခုကို ပေးပို့လာသော ဝယ်ယူသူတစ်ယောက်ကို ရွေးချယ်ဖို့ဆုံးဖြတ်လိုက်သည်။
![](https://img.wattpad.com/cover/329898427-288-k137424.jpg)
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...