အခန်း ၃၀၈ - ဘဝနဲ့ပေးဆပ်ခြင်း
ကာကွယ်သူနှင့်လမ်းကြောင်းကာကွယ်သူတို့မှာ လုံးဝခြားနားသည်။
လမ်းကြောင်းကာကွယ်သူသည် စောင့်ရှောက်သူနှင့် ဆရာတစ်ယောက်၏ ကဏ္ဍကို ပေါင်းစပ်ထားခြင်းဖြစ်သည်။ သို့သော် ကာကွယ်သူတစ်ယောက်မှာတော့ ထိန်းသိမ်းသူကိုယ်ရံတော်ကဲ့သို့ သစ္စာခံကြောင်း ကျိန်ဆိုခြင်းဖြစ်သည်။
ထိန်းသိမ်းသူကိုယ်ရံတော်သည် ဖန်တီးရှင်ဆရာသခင်တစ်ယောက်ကို သစ္စာခံရန် ကျိန်ဆိုထားသော ဝိညာဉ်ချီပညာရှင်တစ်ယောက်ဖြစ်လျှင် ကာကွယ်သူမှာတော့ စိတ်စွမ်းအင်မှော်အက္ခရာကို ပိုင်ဆိုင်သော လူတစ်ယောက် သို့မဟုတ် ဝိညာဉ်သားရဲတစ်ကောင်ဖြစ်ကာ ဝိညာဉ်ချီပညာရှင်တစ်ယောက်ဆီ သစ္စာခံကျိန်ဆိုသူဖြစ်လေသည်။
ကာကွယ်သူများနှင့် လမ်းကြောင်းကာကွယ်သူများအကြား ကွာခြားချက်များရှိနိုင်သော်ငြား ဝိညာဉ်ချီပညာရှင်များနှင့် ဆက်ဆံရေးမှာတော့ တူညီလုနီးပါးပင်ဖြစ်သည်။ မှော်အက္ခရာဥပဒေသများနှင့် စာချုပ်ချုပ်ရပြီး ခိုင်မာကာ ယုံကြည်စိတ်ချရသည်။
မိခင်သွေးချိုးကန်သည် အဆုံးမဲ့နွေဦးက ကတိသစ္စာပြုနေသည်ကို မြင်သောအခါ ထူးဆန်းသည်ဟု နည်းနည်းမျှမခံစားရပေ။ အဆုံးတွင်တော့ လောကသန့်စင်မှုအတွင်း ထိုသို့သောအကူအညီသည် အသက်တစ်ချောင်းကို ကယ်တင်လိုက်ခြင်းနှင့် တူလေသည်။ ယင်းမှာ ဝိညာဉ်သားရဲတစ်ကောင်အတွက် အသက်နဲ့ပေးဆပ်ဖို့ရာ လုံလောက်နေခဲ့ပြီပင်။
လင်းယွမ်သည် ကိုယ်ပိုင်အဖွဲ့အစည်းကို တည်ထောင်ရန် ဆုံးဖြတ်ပြီးသားဖြစ်သော်ငြား ၎င်းနဲ့ပတ်သက်၍တစုံတရာမျှ မပြုမူရသေးချေ။
ပထမအနေဖြင့် လွင့်မျောကျွန်းဝေလငါးသည် ဆန်းပြားမျိုးသန့်မဖြစ်သေးဘဲ ဂိုဏ်းတစ်ခုလုံးကိုထောက်ပံ့ပေးနိုင်သည့် ဧရာမလွင့်မျောကျွန်းမဖြစ်လာသေးသောကြောင့်ပင်။ နောက်ထပ်အကြောင်းပြချက်တစ်ခုမှာ ကျွမ်းကျင်သူများချို့တဲ့မှုကြောင့်ဖြစ်သည်။
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...