အခန်း ၂၆၃ - ကောင်းကင်ဆီ ထိုးခွင်းသွားသည့် အစိမ်းရောင်မီးတောက်အလင်း
အသူတရာချောက်ဒိုင်မင်းရှင်းအက်ကွဲကြောင်းတွင်းက ကောင်းကင်သည် အဆက်မပြတ် အနီရင့်ရောင်ဖြစ်နေပြီး နေ့မှန်းညမှန်း မခွဲခြားနိုင်ပေ။ သို့ဖြစ်ရာ လေ့ကျင့်နေစဥ်၌ အချိန်ကိုမေ့လျော့သွားရန် အလွန်အမင်းလွယ်ကူလေသည်။ ပင်ပန်းလာပြီး အနားယူရန်လိုအပ်သည်ဟုခံစားလာရချိန်မှသာ အချိန်ကြာကြီးကုန်လွန်သွားကြောင်း သိသွားမည်ဖြစ်သည်။
မြေပြင်သည် မိုးကုပ်စက်ဝိုင်းအထိ ခရမ်းရင့်ရောင်ဖြစ်နေသေးသည်။ ကျောက်တုံးများဖုံးလျက်ရှိသော လျှိုမြောင်၏မျက်နှာပြင်သည် ပြားကပ်ကာချောမွတ်နေပြီး မီးတောင်ချော်ရည်စီးဆင်းသွားရာမှာ ဖြစ်ပေါ်လာပုံရသည်။
လေထုအတွင်း ပြင်းရှသည့်ဆာလဖာရနံ့ရှိနေသည်၊ အပူချိန် ၅၀ ဒီဂရီရှိသောပတ်ဝန်းကျင်၌ အဆက်မပြတ်နေထိုင်သော မည်သူမဆို မိမိကိုယ်အား ရေဖြင့်အဆက်မပြတ်အားဖြည့်ရန် လိုအပ်လေသည်။
အချိန်ကလျင်မြန်စွာ ကုန်ဆုံးသွားပြီး လင်းယွမ် အသူတရာချောက်ဒိုင်မင်းရှင်းအက်ကွဲကြောင်း၌ လေ့ကျင့်နေသည်မှာ တစ်လတင်းတင်းပင် ပြည့်နေလေပြီ။ လင်းယွမ်သည် ကြမ်းတမ်းသော ပတ်ဝန်းကျင်နဲ့ လိုက်လျောညီထွေဖြစ်လာသည်။
အဆင့် ၄ ကြောက်မက်ဖွယ်ဦးချိုမိစ္ဆာတစ်ကောင်သည် တသိမ့်သိမ့်တုန်နေသော သံရှင်အတွင်း ပြင်းပြင်းထန်ထန် ရုန်းကန်နေ၏။ ရုန်းကန်နေစဥ် ကြောက်မက်ဖွယ်ဦးချိုမိစ္ဆာသည် စေးပျစ်သောအရည်များကို မှုတ်ထုတ်နေပြီး မီးတောက်ညိုဟု ခေါ်နိုင်သည်။
အဆင့် ၄ ကြောက်မက်ဖွယ်ဦးချိုမိစ္ဆာ၌ ပလက်တီနမ်ဝိညာဉ်သားရဲများ၏ ခွန်အားရှိသည်။ ကြောက်မက်ဖွယ်ဦးချိုမိစ္ဆာ၏စေးပျစ်သောအရည်၌ အလွန်အစွမ်းထက်သော ညိုးနွမ်းအာနိသင်ရှိသည့် မီးတောက်ညိုတစ်ခုပါရှိသည်။
အကယ်၍ ပလက်တီနမ်ဝိညာဉ်တစ်ကောင်သည် ထိုမီးတောက်ညိုဖြင့် ပိစိကွေးလောက် ထိမိသွားပါလျှင် ချက်ချင်း အမြစ်များထိခိုက်သွားပေမည်။ ထိသွားသောနေရာသည် စတင်ညိုးနွမ်းလာမည်။ ကိုယ်ထည်အတွင်း မီးတောက်များပိုမိုဝင်ရောက်လာလျှင်တော့ ပလက်တီနမ်ဝိညာဉ်သားရဲ၏ အသက်စွမ်းအင်သည် ညိုးနွမ်းခြင်းမီးတောက်၏ ဖြည်းဖြည်းချင်း လောင်ကျွမ်းစေခြင်းကို ခံရမည်ဖြစ်သည်။
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...