အခန်း ၂၁၄ - ခက်ခဲကြမ်းတမ်းသော စာချုပ်အခြေအနေများ
မိခင်သွေးချိုးကန်၏စကားများကို ကြားသောအခါ လင်းယွမ်သည် အနည်းငယ်မှင်သက်သွားရသည်။
တခြားလေလံဆွဲသူများနှင့်မတူဘဲ စင်စစ် မိခင်သွေးချိုးကန်သည် စားသုံးဖို့ရန်ဖြစ်နေခဲ့သည်။ သို့သော် ထိုသို့လုပ်ရခြင်း၏ရည်ရွယ်ချက်မှာ လူသားများအရင်းအမြစ်အမျိုးအစားသက်ရှိများကို စာချုပ်ချုပ်ခြင်းနှင့်အတူတူပင် ဖြစ်သည်။ ပိုတိုး၍ သန်မာလာချင်သောကြောင့်ပင်။
မိခင်သွေးချိုးကန်အပါအဝင် ဝိညာဉ်သားရဲများ၏ရှင်သန်ခြင်းနိယာမမှာ အသန်မာဆုံးသူသာ ရှင်သန်ရာဖြစ်သည်။ မွေးဖွားလာကတည်းက သူမသည်မိမိကိုယ်ကိုအပြည့်အဝမှီခို၍ တခြားသောဝိညာဉ်ချီပညာရှင်များနှင့်စာချုပ်မချုပ်ဘဲ နယ်မြေရှင်/ဒဏ္ဍာရီအဆင့်သို့ တစ်လှမ်းချင်းရောက်လာခဲ့သည်။
ငယ်စဥ်ကစ၍ ယနေ့အထိ မရေမတွက်နိုင်သောသတ်ဖြတ်မှုများကို ကြုံတွေ့ဖူးသည်မို့ ပိုမိုသန်မာလာဖို့ရန် အရင်းအမြစ်အမျိုးအစားသက်ရှိကို စားသုံးခြင်းမှ္ သေချာပေါက် သာမန်ကိစ္စလေးသာဖြစ်သည်။
လင်းနို့အရိပ်ဘုရင်သည် ထိုအရင်းအမြစ်အမျိုးအစားပစ္စည်းသုံးမျိုးကို ယူထုတ်လိုက်ပြီး ယခုလေးတင် ရှေ့ထွက်ကာ စကားပြောသော သက်လတ်ပိုင်းရွယ်အမျိုးသမီးအား ညွှန်ပြကာဆိုသည်။ "ကျုပ်ဒီအရင်းအမြစ်အမျိုးအစားပစ္စည်းသုံးခုရဲ့ စာချုပ်ချုပ်ရမယ့်အခြေအနေတွေကို လျှပ်စီးစာကလေးဘုရင်ကို မိတ်ဆက်စေပါမယ်။"
လင်းနို့အရိပ်ဘုရင်၏စကားကို လိုက်၍သူမကပြောသည်။ "ဒီမှာရှိနေတဲ့ လူအများကြီးက ကျွန်မကိုသိနေလောက်တယ်။ ကျွန်မက တိုက်ပွဲဝင်ဝိညာဉ်ချီပညာရှင်တစ်ယောက်ဖြစ်တဲ့အပြင် အဆင့် ၃ အထွတ်အထိပ်ဖန်တီးရှင်ဆရာသခင်တစ်ယောက်လည်းဖြစ်တာကြောင့် ဒီအရင်းအမြစ်အမျိုးအစားပစ္စည်းသုံးခုရဲ့ စာချုပ်ချုပ်ရမယ့်အခြေအနေတွေကို အားလုံးအတွက် ရှင်းပြပေးသွားပါ့မယ်။"
![](https://img.wattpad.com/cover/329898427-288-k137424.jpg)
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...