အခန်း ၂၉၈ - လင်းယွမ်၏ အဆက်အသွယ်ကွန်ရက်
လင်းယွမ်၏အရှုံးမရှိစွာ ဝယ်ယူပါစတိုးသည် မည်သည့်ကြေး/မော်ကွန်းတင်ဝိညာဉ်သားရဲမဆိုကို အရင်းအမြစ်ပစ္စည်း သို့မဟုတ် ရွှေသတ္တုများဖြင့် လဲလှယ်မည်ဟူသော သတင်းထွက်လာသောအခါ ဤစတိုး၏နောက်ကွယ်တွင် အနည်းဆုံးအဆင့် ၄ ဖန်တီးရှင်ဆရာသခင်ဖြစ်သည်ဟူ၍ သက်သေပြလိုက်ခြင်းဖြစ်သည်။ သို့မဟုတ်ပါက သူ့၌ ထိုသို့လုပ်ရန်သတ္တိရှိမည်မဟုတ်ပေ။
လင်းယွမ်၏ အရှုံးမရှိစွာဝယ်ယူပါစတိုးဖန်ကလပ်ကို ဝင်လာကြသည့် ထိုအဆင့် ၄ ဖန်တီးရှင်ဆရာသခင်များသည် အခြေခံအဆင့်များ ဖြစ်ကြသည်။
အဆင့် ၄ ဖန်တီးရှင်ဆရာသခင်ဖြစ်လာပြီးသည့်နောက်တွင် အဆင့်ငယ်လေးဆင့်ရှိလေသည် - အခြေခံ၊ အလယ်အလတ်၊ အဆင့်မြင့်နှင့် အထွတ်အထိပ်တို့ဖြစ်ကြသည်။ အဆင့်ငယ်တစ်ခုစီကြားကွာခြားမှုမှာ မိုင်ပေါင်းထောင်ချီ ကွာဝေးသည်။
ထို့ကြောင့် အဆင့် ၃ နှင့် အခြေခံ၊ အလယ်အလတ် အဆင့် ၄ ဖန်တီးရှင်ဆရာသခင်များသည် ဤအရှုံးမရှိစွာဝယ်ယူပါစတိုးပိုင်ရှင်နှင့် ဆက်ဆံရမည့် အခွင့်အရေးရလိုကြသည်။
ထိုဖန်တီးရှင်ဆရာသခင်များသည် အရှုံးမရှိစွာဝယ်ယူပါစတိုး၏ အထွတ်အထိပ်အဆင့် ၄ ဖန်တီးရှင်ဆရာသခင်နှင့် ဆက်ဆံနိုင်ရန်အလို့ငှာ ပန်းပွင့်ကျင်ခပ်ပုလဲကိုပင် ထူးဆန်းမီးတောက် ၁၀ ခုကိုသုံး၍ လဲလှယ်ခဲ့ကြသည်။
သို့သော် လင်းယွမ်သည် ထိုအရာအားလုံးကို သတိမမူမိသလို သူနှင့်လည်း သက်ဆိုင်ခြင်းမရှိပေ။
လင်းယွမ် ဂရုမစိုက်နေစဥ်မှာပင် အရှုံးမရှိစွာဝယ်ယူပါစတိုး၏ဖန်ကလပ်သည် အဆင့် ၃ ဖန်တီးရှင်ဆရာသခင်တချို့နှင့် အဆင့် ၄ အခြေခံနှင့်အလယ်အလတ်အဆင့် ဖန်တီးရှင်ဆရာသခင်များ ဝင်နိုင်ပါရန် ဦးနှောက်ခြောက်သည်အထိ စဥ်းစားရသော နေရာတစ်ခုဖြစ်လာသည်။
သူ့စတိုး၏ကွန်ရက်သည် ဖြည်းဖြည်းချင်း ပျံ့နှံ့နေလေသည်။ ယင်းမှာရှေ့ပြေးပုံစံသာရှိသေးသော်လည်း အနားသတ်မှာ အလွန်ကြီးမားကြီး စိတ်ကူးပင်ယဥ်နိုင်မည်မဟုတ်ပေ။
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...