အခန်း ၂၃၇ - အရင်းအမြစ်သဲ၏တောင်းဆိုမှု
လင်းယွမ်သည် ထုံးကျောက်ပန်းကန်လုံးလေးအတွင်းရှိ လက်မအရွယ် ဝိညာဉ်ပုံဆောင်ခဲ ၂၀ ကိုဂရုတစိုက်ကြည့်ရှုရင်း အထင်မကြီးမိဘဲ မနေနိုင်ပေ။ထိုဝိညာဉ်ချီပုံဆောင်ခဲများသည် လုံးဝကြည်လင်နေသည်။ အထဲ၌မထင်ရှားသော အငွေ့တစ်မျိုးစီးဆင်းနေသည်နှင့်တူပြီး အလင်းရောင်ကျရောက်လာသည့်အချိန်၌ ထင်ရှားမှုမရှိသော အရောင်ခုနစ်မျိုးကို ထုတ်လွှတ်သည်။
သို့သော်ဂရုတစိုက်မကြည့်ပါက စင်စစ်ထိုပုံဆောင်ခဲများသည် ပုံသဏ္ဍာန်မမှန်သောဖန်ပုံဆောင်ခဲအကွဲစတချို့နှင့် တူနေပေမည်။ သို့သော် ၎င်း၏တန်ဖိုးသည် ဝိညာဉ်ချီပုံဆောင်ခဲများနှင့် နှိုင်းယှဥ်၍မရပေ။
လင်းယွမ်သည် ဝိညာဉ်ချီပုံဆောင်ခဲ ၂၀ ကိုကြည့်ပြီး ကျစ်သပ်လိုက်သည်။
အကယ်၍ လောကကျက်သရေတစ်ပိုင်းတစ်စသည် မောဘီးယပ်စ်၏သန့်စင်သောကောင်းချီးမြေသို့ မသက်ဆင်းလာပါက ပုံမှန်ဝိညာဉ်ချီဖွဲ့စည်းခြင်းဖြင့်သာဆို အနည်းဆုံး ရက်ပေါင်း ၁၄၀ ကြာမှ ပုံဆောင်ခဲ ၂၀ ရနိုင်ပေမည်။ ၎င်းမှာ စွမ်းအင်သတ္တုရိုင်းများ လုံလောက်သောအခြေအနေတွင်ဖြစ်သည်။
လင်းယွမ်သည် ဝိညာဉ်ချီပုံဆောင်ခဲကို သူ၏ဆန်းပြားမျိုးသန်ွသုံးကောင်မှ တစ်ကောင်ကိုရွေးပြီး အဆင့်မြှင့်တင်ကာ သူ၏ခွန်အားအရည်အသွေးကို ပြောင်းလဲနိုင်သည်။
သို့သော် မည်သည့်ဝိညာဉ်သားရဲကို မြှင့်တင်ရမည်ကိုတော့ သေသေချာချာ စဥ်းစားဖို့လိုနေသေးသည်။
မည်သည့်ဝိညာဉ်သားရဲကို အဆင့်မြှင့်လိုက်သည်ဖြစ်စေ ၎င်းသည် သူ၏ဝှက်ဖဲဖြစ်လာမည်ဖြစ်ကာ သူ၏တိုက်ပွဲဝင်ပုံစံသည်လည်း ၎င်းကိုလိုက်၍ပြောင်းလဲသွားပေမည်။
ထွန်းတောက်အဆင့် ၁၀၀ အဖွဲ့ဝင်များ၏ခွန်အားသည် မြင်နေရသလောက် မရိုးရှင်းကြောင်းသိသွားရသည့်အခါ သူသည်အလျင်လိုသော ခံစားချက်တစ်ရပ်ကို ခံစားနေရသည်။ သူသည်ထွန်းတောက်အဆင့် ၁၀၀ ပြိုင်ပွဲတွင် ပါဝင်ရန်ဆုံးဖြတ်ထားသည့်လျောက် လုံးဝနောက်ဆုတ်မည်မဟုတ်ပေ။ ထို့ကြောင့် သူ၏ခွန်အားကိုတတ်နိုင်သမျှ မြန်မြန်မြှင့်တင်ရပေမည်။
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...