အခန်း ၂၆၄ - သက်ရှိယဇ်ပူဇော်မီး
လင်းယွမ်သည် အကွာအဝေးတစ်ခုမှ ကောင်းကင်ပေါ်ထိုးတက်သွားသော အစိမ်းရောင်မီးတောက်အလင်းကို ကြည့်လိုက်ပြီး အစိမ်းရောင်အစွန်းအထင်းသည် အဆင့် ၃ ဒိုင်မင်းရှင်းအက်ကွဲကြောင်း၏ ခရမ်းနီရောင်ကောင်းကင်တစ်ဝက်ကို ဖုံးလွှမ်းနေသည်ကို သိသွားသည်။ သူပြင်းထန်စွာ မျက်မှောင်ကြုတ်မိသည်။သူ့ဒြပ်စင်အရင်းအမြစ်သက်ရှိ၏ အသိဉာဏ်မှာ မမြင့်မားဘဲ တစ်ဖက်သတ်ဆန်သော အတွေးများသာရှိသော်လည်း စိတ်တွင်းဆက်သွယ်မှုဖြင့်အရင်းအမြစ်သဲပို့ဆောင်လာသည့် ရုပ်ပုံများမှတဆင့် မူမမှန်သောအချက်အများအပြားကို လင်းယွမ်တွေ့နေရသည်။
ယင်းမှာသေချာပေါက် မရိုးရှင်းပေ။
အရင်းအမြစ်သဲသည် မာကြောဆဲဖြစ်သည့် အတားအဆီးကို ထိုးဖောက်နေစဥ် လောင်ကျွမ်းနေသောခံစားချက်တစ်ခုကို ချက်ချင်းပို့ဆောင်လာလေသည်။
အရင်းအမြစ်သဲသည် မီးတောက်ရှိသည့် မိစ္ဆာ သို့မဟုတ် ဝိညာဉ်ချီအမြောက်အမြားရှိသော အပင်မှ မီးတောက် စသည်ဖြင့် တိုက်ခိုက်ခံလိုက်ရသည်ကို လင်းယွမ်သိလိုက်ရသည်။
သို့သော် အရင်းအမြစ်သဲ၏လောင်ကျွမ်းသောခံစားချက်ကို အာရုံခံကြည့်လိုက်ရာ ဤမီးတောက်သည် အသူတရာချောက်ဒိုင်မင်းရှင်းအက်ကွဲကြောင်းရှိ မိစ္ဆာများထံမှ လာခြင်းမဟုတ်ကြောင်း သူသေချာသွားသည်။
ဤသို့ဖြစ်ရခြင်းမှာ လောင်ကျွမ်းသောခံစားချက်၌ ဖျက်ဆီးခြင်းနှင့် ညိုးရော်ခြင်းစွမ်းအားတို့ ပါဝင်မနေသောကြောင့်ပင်။ ယင်းလောင်ကျွမ်းခြင်းခံစားချက်မှာ မိမိဘာသာ ဘဝတစ်ခုကို ဖန်တီးနေပုံပင်ရသည်။
အသူတရာချောက်ဒိုင်မင်းရှင်းအက်ကွဲကြောင်း၌လည်း အားလုံးနီးပါးမီးဒြပ်စင်ဖြစ်နေသည့် ဝိညာဉ်ပါဝင်ပစ္စည်းတချို့ရှိသော်ကြောင့် လင်းယွမ်အံ့အားသင့်သွားခြင်း အလျှင်းမရှိပေ။
ကောင်းကင်သို့ထိုးတက်သွားသည့် အစိမ်းရောင်မီးတောက်အလင်း၌ မဖုံးကွယ်ထားနိုင်လောက်အောင် ကြွယ်ဝသောအသက်စွမ်းအင်များပါဝင်နေသည်ကို သူခံစားရပြီး ယင်းကို အရင်းအမြစ်သဲထိမိသည့် လောင်ကျွမ်းနေသောခံစားချက်ရှိ ဂုဏ်သတ္တိများနဲ့ယှဥ်ကြည့်လိုက်သည်။
![](https://img.wattpad.com/cover/329898427-288-k137424.jpg)
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...