အခန်း ၂၅၀ - ဇိမ်ခံပစ္စည်းများကြောင့် လုံးဝရှော့ခ်ရသွားသော ကောင်းဖုန်း
ထိုကျောက်စိမ်းရောင်သည် အလွန်စိုပြည်နေပုံမှာ သဘာဝကြော့ရှင်းမှုတစ်မျိုး ဆောင်ကျဥ်းထားသလိုပင်။ ထိုသို့သော ခံစားချက်မျိုးကို လူချမ်းသာမိသားစုမှလာသော ကောင်းဖုန်းရင်းနှီးလှသည်၊ အကြောင်းမှာ ကျောက်စိမ်းအနေအထားနဲ့ မိုးမခသားကို သူ့ခေါင်းရင်းတွင် ထားအိပ်သောကြောင့်ပင်။ကောင်းဖုန်းသည် အိမ်တော်အတွင်းသို့ မဝင်ရသေးသော်လည်း မနက်ပိုင်း၌ပင် တောက်ပနေမှုကို အာရုံခံနိုင်သည်။ ဖြစ်နိုင်ခြေတစ်ခုသာရှိသည်ကို သူသိသည်။ အိမ်တော်၌ ကျောက်စိမ်းအနေအထားဖြစ်နေသည့်သစ်သားများနှင့် ထုလုပ်ထားသော ပစ္စည်းအမြောက်အမြားရှိနေခြင်းသာ။
အိမ်တော်တွင်းသို့ ခြေချလိုက်သည်နှင့် သူသည် ယခင်ကလောက် မိမိကိုယ်မိမိ ယုံကြည်မှုမရှိတော့သကဲ့သို့ ခံစားလိုက်ရသည်။ လေညင်းမြူခိုးမြို့တော်ရှိ အချမ်းသာဆုံးသောမိသားစုဝင်တစ်ယောက်အနေဖြင့် ထွန်းတောက်သောဖက်ဒရေးရှင်းတွင်လည်း အချမ်းသာဆုံးစာရင်းဝင်လေသည်။ သူသည် ကောင်းမိသားစု၏တစ်ဦးတည်းသော တိုက်ရိုက်ဆက်ခံသူတစ်ယောက်ဖြစ်သည့်အတွက် သူ၏မာနနှင့် အမြင်ကျယ်မှုမှာ တခြားသူများအားလုံး၏ စိတ်ကူးထက်ကျော်လွန်ပေသည်။
ကောင်းဖုန်းသည် လင်းယွမ်ကို အလွန်သဘောတွေ့သော်လည်း သူအလိုရှိသည့် ကြေး/မော်ကွန်းတင်ဝိညာဉ်သားရဲကို ပေးနိုင်သောကြောင့်သာဖြစ်သည်။ သူသည်ကောင်းမိသားစုအတွက် အသုံးမဝင်သော သန္ဓေပြောင်းကျွန်းဝေလငါးကိုသုံးပြီး လင်းယွမ်နှင့်လဲလှယ်မည်ဖြစ်ရာ လင်းယွမ်ကို သူ့မိသားစု၏ခွန်အားနှင့် ကြွယ်ဝမှုကို သိရှိစေပြီး ကောင်းမိသားစုနှင့် အရောင်းအဝယ်လုပ်ရခြင်း၏အကျိုးအမြတ်ကိုလည်း ပြသလိုလေသည်။
ကောင်းမိသားစု၏ တိုက်ရိုက်မျိုးဆက်ဖြစ်သော ကောင်းဖုန်းမှာ ယခုတွင်အိမ်တော်၏ပရိဘောဂများကိုကြည့်လျက် မာနတရားများ ပျောက်ရှကုန်သည်။ သူသသည် လင်းလက်တောင်ပံလိပ်ပြာ၊ ဝိညာဉ်ထိန်းချုပ်ခေါင်ရန်းနှင့် ကံကောင်းခြင်းငါးခုရန်ချူတို့ကို သေချာပေါက် မှတ်မိသည်။ ကောင်းဖုန်း၏မျက်လုံးထဲတွင် ထိုကြေး/ပြီးပြည့်စုံဝိညာဉ်သားရဲများသည် ထွန်းတောက်ဒေါ်လာအဖြစ် ပြောင်းလဲသွားကြသည်။
![](https://img.wattpad.com/cover/329898427-288-k137424.jpg)
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...