အခန်း ၃၀၆ - ကြွေလွင့်သွားသောဒဏ္ဍာရီ
ကျီးကန်းသည် ပန်းခရမ်းရောင်ဝတ်စုံနဲ့အမျိုးသမီးကို ကြည့်ကာ နှလုံးသားမဲ့စွာ ဆိုသည်။ "မင်းမသေခင် လောကသန့်စင်မှုကို ကျော်ဖြတ်နိုင်ဖို့ ငါမျှော်လင့်တယ်။ မကျော်ဖြတ်နိုင်ရင်တောင် ငါကူညီပေးမှာ။ မဟုတ်ရင် လောကသန့်စင်မှုပြီးတဲ့အခါ ကျလာတဲ့လောကကျက်သရေကို ငါမရဘဲ နေမှာပေါ့။"
ကျီးကန်းသည် ရူးသွပ်သည့်နှယ်ရယ်မောနေပြီး သတိလွတ်သွားသည်နှင့် ပုံဆောင်ခဲနီပမာ သွေးနီရောင်မှော်အက္ခရာဥပဒေသသည် မိခင်သွေးချိုးကန်၏ ဦးခေါင်းထက်တွင် လွင့်မျောလာသည်။
ထူးဆန်းသာယာပြီး ကျောချမ်းဖွယ်အသံတစ်ခု မြည်ဟည်းသွားသည်။
"သွေးဥပဒေသ။ သွေးကိုဓါးသွားအဖြစ်သုံးပြီး ဓါးသွားကိုတော့ နှလုံးသားကိုထိုးခွင်းဖို့ သုံးတယ်။"
“မိခင်သွေးချိုးကန်၏ ကြောက်မက်ဖွယ်အသံ မြည်ဟည်းလာသည်နှင့် သစ်ပင်အောက်ရှိ ပန်းခရမ်းရောင်ဝတ်စုံနဲ့ ဒေါသထွက်နေသော မိန်းကလေးသည် ရုတ်တရက် အံ့သြသွားမှုနှင့် ဝမ်းနည်းသွားသော အမူအရာများဖြစ်လာသည်။
လင်းယွမ်သည် ထိုသို့သောခံစားချက်များကို တွေ့ရသောအခါ အကြောင်းတချို့ကြောင့် သူ့နှလုံးသားရုတ်တရက် တင်းကြပ်သွားသည်။ ထိုသို့ခံစားချက်များသည် ရှုပ်ထွေးသည့်ပုံပေါ်သော်လည်း အဓိပ္ပါယ်မှာ အလွန်ရိုးရှင်းလှသည်။ ယင်းမှာ သူမသူငယ်ချင်းကိုတွေ့ရသော အံ့အားသင့်မှုနှင့် သူမ၏ပြိုလဲလုဆဲဆဲအခြေအနေကြောင့် မကျေနပ်ချက်တို့ဖြစ်သည်။
တစ်ချိန်တည်းတွင် ကျီးကန်း၏ စိတ်မချမ်းမြေ့ဖွယ်အော်သံသည် လေထဲတွင် ထွက်ပေါ်လာသည်။ ထိုအော်သံသည် ကြီးမားသောနာကျင်မှုတချို့ကို ခံစားနေရသည့်ပမာ မူမမှန်စွာ ဝမ်းနည်းကြေကွဲဖွယ်ဖြစ်သည်။ ကျီးကန်း၏ခန္ဓါကိုယ်သည် ရုတ်ခြည်း တွန့်လိမ့်လာပြီး နှလုံးသားရှိရာနေရာသည် အဆမတန်ဖောင်းကြွလာသည်။
![](https://img.wattpad.com/cover/329898427-288-k137424.jpg)
KAMU SEDANG MEMBACA
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Aksiဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...