အခန်း ၂၅၂ - ဒြပ်စင်အခွံမာကောင်
လင်းယွမ်၏ အသံသည် အလွန်တည်ငြိမ်သောအနေအထားဖြင့် ပျံ့နှံ့သွားသည်။ "ခုဏက မင်းရဲ့ကောင်းမိသားစုက ဒီကျွန်းဝေလငါးကို ပျိုးထောင်ဖို့ကြိုးစားဖူးတယ်လို့ မင်းပြောတယ်နော်။ ဒါဆိုမင်းတို့မှာ ဒြပ်စင်အခွံမာကောင်ရှိရမယ်၊ ဟုတ်တယ်မလား။"
လင်းယွမ်၏အသံဆုံးသွားသည်နှင့် ကောင်းဖုန်း၏မူလစိတ်လှုပ်ရှားနေသော အမူအရာမှာချက်ချင်း တည်ကြည်လာသည်။ လက်ရှိတွင် သူသည် ဒြပ်စင်အခွံမာကောင်နှင့် ကြေး/မော်ကွန်းတင်စမ်းချောင်းဝါနှင်းပန်းတို့၏ တန်ဖိုးကို ချင့်ချိန်ကြည့်နေခြင်းပင်။စမ်းချောင်းဝါနှင်းပန်းသည် ကောင်းဖုန်းအိပ်မက်ထဲကအရာဖြစ်လျှင်ပင် လင်းယွမ်၏အခြေအနေကို လိုက်လျောသင့်လားဆိုသည်ကို သူမသိပေ။ လင်းယွမ်သည် ဒြပ်စင်အခွံမာကောင်နှင့် လဲလှယ်ရန်ကမ်းလှမ်းလာသည်ဆိုကတည်းက ကောင်းဖုန်းသည် လင်းယွမ် ဆုံးဖြတ်ချက်ချထားပြီးသားဖြစ်သည်ကို သိသည်။
အကယ်၍ကောင်းဖုန်းသည် ဒြပ်စင်အခွံမာကောင်နှင့်လဲလှယ်ရန် သဘောမတူပါက ကြေး/မော်ကွန်းတင်စမ်းချောင်ယဝါနှင်းပန်းကို ဆုံးရှုံးနိုင်မည့်အခွင့်အရေး ကြီးကြီးမားမားရှိသည်။ သို့သော် ဒြပ်စင်အခွံမာကောင်သည် သူ့လိုတိုက်ရိုက်ဆက်ခံသူပင် ကိုယ်ပိုင်ဆုံးဖြတ်ချက်ချနိုင်သော တစ်စုံတစ်ရာမဟုတ်ပေ။
ကောင်းဖုန်းသည် ခေတ္တမျှတွေးကြည့်ပြီးနောက် ပြန်ဖြေလိုက်သည်။ "ညီကို၊ မင်းဒြပ်စင်အခွံမာကောင်ကိုလိုတာက ကျွန်းဝေလငါးကို ကိုယ်တိုင်ပျိုးထောင်ဖို့မလား။ ကျွန်းဝေလငါးနှင့် ဒြပ်စင်အခွံမာကောင်ကို ပျိုးထောင်ဖို့လိုတဲ့ ကုန်ကျစရိတ်နဲ့အရင်းအမြစ်တွေက နည်းနည်းလေးမဟုတ်ဘူးနော်။"
လင်းယွမ်က ဖုံးကွယ်ဖို့မကြိုးစားဘဲ ခေါင်းညိတ်၏။ "ငါဒီသန္ဓေပြောင်းကျွန်းဝေလငါးနဲ့ လဲလှယ်ဖို့ဆုံးဖြတ်ထားပြီးမှတော့ ငါကြိုးစားကြည့်ချင်တာပေါ့။"
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...