အခန်း ၂၈၁ - အရင်းအမြစ်သဲမှ ရက်လုပ်သော မွမ်းမံခြင်းကွန်ရက်
လုံထောင်သည် ခွန်အားကိုမဖုံးကွယ်ထားဘဲ ဦးဆောင်လျက် လင်းယွမ် လရောင်ဖြာနန်းတော်၌ မြင်ခဲ့ရသော သမိုင်းမတိုင်မီခေတ်က သားရဲဖြစ်သည့် ပင်လယ်ဘုရင်ထုံးကျောက်မောဆာဆောရပ်စ်ကို ဆင့်ခေါ်လိုက်သည်။
လုံထောင် ၎င်းကိုဆင့်ခေါ်လိုက်သောအခါ ရှိနေကြသည့် ဝိညာဉ်ချီပညာရှင်များ၏တိုက်ခိုက်ရေးဝိညာဉ်များမှာ ချက်ချင်းလှုံ့ဆော်ခံလိုက်ရသည်။ ကပ်ဘေးကျရောက်ပြီဟု တွေးထားကြသော ဝိညာဉ်ချီပညာရှင်များ၏ မျက်ဝန်းများသည် မျှော်လင့်ချက်ဖြင့်တောက်ပလာကြသည်။
သမိုင်းမတိုင်မီခေတ်က အမည်နှင့် ပင်လယ်ဘုရင်မောဆာဆောရပ်စ်သည် အမြဲတစေ လုံထောင်၏မူပိုင်ဝိညာဉ်သားရဲဖြစ်ခဲ့သည်။ သို့သော် လုံထောင်၌ ထိုပင်လယ်ဘုရင်မောဆာဆောရပ်စ်မှလွဲပြီး တခြားဝှက်ဖဲများရှိ၊ မရှိကိုတော့ လင်းယွမ်မသိပါချေ။
ပင်လယ်ဘုရင်မောဆာဆောရပ်စ်သည် ပလက်တီနမ် ၁၀/ဆန်းပြား ၃ အဆင့်၌ ရှိနေဆဲပင်။
ရှင်းလင်းစွာပင် လုံထောင်သည် ဘီ-အဆင့်ဝိညာဉ်ချီပညာရှင်အဆင့်တွင် ပိတ်ဆို့နေသေးပြီး အေ-အဆင့်သို့ မချိုးဖျက်နိုင်သေးပါပေ။
အကယ်၍ အေ-အဆင့်သို့ ရောက်လာခဲ့ပါက ဤပလက်တီနမ် ၁၀/ဆန်းပြား ၃ ပင်လယ်ဘုရင်မောဆာဆောရပ်စ်သည် စိန်အဆင့်သို့တက်လှမ်းနိုင်ပေလိမ့်မည်။ ထိုအခါ လုံထောင်ကို ဘုရင်အဆင့်ကျွမ်းကျင်သူဟု ခေါ်နိုင်ပေမည်။
သူ၏လက်ရှိခွန်အားဖြင့်ဆိုပါလျှင် တိုက်ပွဲစွမ်းရည်မှာ တချို့သာမန် ဘုရင်အဆင့်ကျွမ်းကျင်သူများထက် ပို၍အံ့အားသင့်ကောင်းနေပြီဖြစ်သည်။ ဆန်းပြားမျိုးသန့်ဝိညာဉ်သားရဲတစ်ကောင်အတွက် ဆန်းပြား ၃ သို့ရောက်ရန် အလွန်ခက်ခဲပါသည်။
ကျောက်ရှောင်ချွင်နှင့် ဖန်သောသောတို့ကလည်း မိမိတို့၏ဝိညာဉ်သားရဲများကို ဆင့်ခေါ်လိုက်ကာ အပြေးအလွှားလာကြသော မိစ္ဆာများကိုတိုက်ခိုက်လိုက်ကြသည်။ ချန်ဟုန်ဖုန်းသည် ရှေ့ကိုမတက်သွားသော်လည်း နောက်တန်း၌နေ၍ သူ၏စာချုပ်ချုပ်ဝိညာဉ်သားရဲ ဧရာမရွှံ့မြီးဖွတ်ကို ဆင့်ခေါ်လိုက်သည်။ ရွှံ့ကိုသုံး၍ မိစ္ဆာတပ်၏ မှော်စွမ်းအားထိခိုက်မှုနှင့်ပတ်သက်ပြီး ထိန်းချုပ်ဖြေရှင်းရန် အမိန့်ပေးသည်။
![](https://img.wattpad.com/cover/329898427-288-k137424.jpg)
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...