အခန်း ၃၂၀ - အိမ်တော်၏ အဖွဲ့ဝင်သစ်
သို့သော် ဟူချွမ်၏ စာချုပ်ချုပ်ဝိညာဉ်သားရဲများအားလုံးသည် ဝိညာဉ်လက်မှုပညာသည်အလုပ်တွက် သင့်တော်သော ထောက်ပံ့ရေးဝိညာဉ်သားရဲများ မဟုတ်ချေ။ လင်းယွမ်သည် ဟူချွမ်အတွက် အမှန်တကယ် ပျော်ရွှင်ရ၏။ အိပ်မက်များရှိပြီး အကောင်အထည်ဖော်ရန် ကြိုးစားသူတစ်ယောက်သည် အောင်မြင်ရစမြဲသာဖြစ်သည်။
ဟူချွမ်ထွင်းထားသော ကြိုးကြာအရိပ်အမွှေးနံ့သာအိုးကို လင်းယွမ်မြင်ခဲ့စဥ်က သူ၏ဝိညာဉ်လက်မှုပညာသည်ကျွမ်းကျင်မှုများသည် သူ့ကိုဆွဲဆောင်ခဲ့လေသည်။ သူမမျှော်လင့်ထားခဲ့မိသည်က ဟူချွမ်၏ ဝိညာဉ်လက်မှုပညာသည်ကျွမ်းကျင်မှုသည် ဟိုးအရင်ကတည်းက အဆင့် ၄ ကိုကျော်လွန်နေခဲ့မည်ကိုပင်။
ဟူချွမ်သည် ဒုတိယစိတ်စွမ်းအင်မှော်အက္ခရာကို မနားလည်ခဲ့ဘဲ ဒုတိယမြောက်ဆန်းပြားမျိုးသန့် မရှိသောကြောင့် ဝိညာဉ်ချီပညာရှင်တစ်ဦး၏ကဏ္ဍတွင်သာ ရပ်တန့်နေခဲ့သည်။ ထို့ကြောင့် အဆင့် ၅ ဝိညာဉ်လက်မှုပညာသည်အဖြစ် အဆင့်မတက်နိုင်ခဲ့ပါပေ။
ဟူချွမ်သည် ခေတ္တမျှစဥ်းစားလိုက်ပြီး လင်းယွမ်နှင့် သဘောတူလက်မှတ်ထိုးထားသော စာချုပ်ကို စိန်ဝိညာဉ်သားရဲသိမ်းဆည်းသေတ္တာမှ ယူထုတ်လိုက်သည်။ လင်းယွမ်ကို စာချုပ်ကမ်းပေးကာ ပြောလေသည်။ "လင်းယွမ်၊ ဒီစာချုပ်ကို ငါ ဖျက်သိမ်းချင်တယ်။"
ထိုစကားကိုကြားသောအခါ လင်းယွမ်၏အမူအရာ တောင့်တင်းသွားရပြီးနောက် ပြုံးလိုက်ကာ ပြန်ဖြေသည်။ "ရတာပေါ့၊ အန်ကယ်ဟူ။ ကိစ္စမရှိပါဘူး။"
အဆင့် ၅ ဝိညာဉ်လက်မှုပညာသည်ကို ထွန်းတောက်ဖက်ဒရေးရှင်း၌ ဆရာကြီးများအဖြစ် သတ်မှတ်ထားသည်။ ဝိညာဉ်လက်မှုပညာသည်များသည် ဖန်တီးရှင်ဆရာသခင်များလောက် ဂုဏ်သိမ်မကြီးမားသော်လည်း မည်သည့်အဆင့် ၅ လူနေမှုပုံစံ ဝိညာဉ်ချီပညာရှင်မဆို အခြေခံအုတ်မြစ်ကျသော အရင်းအမြစ်များဟု ခေါ်ဆိုရန် လုံလောက်လေသည်။ သို့ဖြစ်ရာ ဟူချွမ် စာချုပ်ကို ဖျက်သိမ်းလိုသည့်အကြောင်းကို လင်းယွမ်နားလည်ပေးနိုင်သည်။
![](https://img.wattpad.com/cover/329898427-288-k137424.jpg)
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...