အခန်း ၂၁၀ - ပြီးပြည့်စုံတဲ့အခြေအနေမှာရှိနေတဲ့ မောဘီးယပ်စ်
ထိုအသံကိုကြားလိုက်စဥ် ခဏချင်း ဝမ်းမြောက်သွားသည်။ မောဘီးယပ်စ်သည် ပြန်လည်ထူထောင်ရန် နှစ်နှစ်ခြိုက်အိပ်မောကျနေခဲ့သည်မှာ လေးလပင်ရှိနေခဲ့သည်။ ဤလေးလအတွင်း တစ်ခါမှမနိုးထလာသည့်အတွက် ရုတ်တရက်နိုးထလာမှုသည် စင်စစ်အံ့ဖွယ်တစ်ခုပင်ဖြစ်လာသည်။"မောဘီးယပ်စ် နောက်ဆုံးတော့ မင်းနိုးလာပြီပဲ။"
မောဘီးယပ်စ်သည် အိပ်မောကျရာမှ နိုးလာခဲ့ပြီး ချက်ချင်းပင် ဝိညာဉ်ချုပ်ခန်းနေရာကွက်လပ်မှ လင်းယွမ်ကို တိုက်ရိုက်စကားပြောလာသည်။
၎င်းသည် သူ့အသက် ၈ နှစ်တွင် သူမသိပါဘဲ သူနှင့် စာချုပ်ချုပ်ထားခဲ့သည်။
ထိုအချိန်က လင်းယွမ်၏ဝိညာဉ်စွမ်းအင်ကို ကာကွယ်ရန်အတွက် မောဘီးယပ်စ်သည် မိမိကိုယ်ကိုနာကျင်စေပြီး ကိုယ်တိုင်ချိပ်ပိတ်ခဲ့သည်။ ၈ နှစ်အရွယ် လင်းယွမ်လေး၏ ဝိညာဉ်စွမ်းအင် မပြိုလဲသွားရအောင် သေချာစေပြီးနောက် အိပ်မောကျသွားတော့သည်။
လွန်ခဲ့သည့်လအနည်းငယ်က မောဘီးယပ်စ်ပထမဆုံးအကြိမ်နိုးလာမှသာ လင်းယွမ်သတိပြုမိခဲ့ရသည်။ သို့သော် မောဘီးယပ်စ်အတွက်တော့ ဆယ်စုနှစ်တစ်ခုကြာ သူ၏ဝိညာဉ်သားရဲတစ်ကောင်ဖြစ်နေခဲ့တာပင်။ ထို့ကြောင့် ၎င်း၏မှီခိုအားထားမှုနှင့် ခင်တွယ်မှုသည် ဟိုးအကြာကြီးကတည်းက သူ့ခန္ဓါကိုယ်နက်နက်ရှိုင်းရှိုင်းတွင်းသို့ ဝင်ရောက်နှင့်ပြီးသားပင်။ ထိုသို့သောခံစားချက်မျိုးသည် ရိုးရှင်းသော သွေးလိုင်းဆက်နွယ်မှုသာမဟုတ်ပေ။
မောဘီးယပ်စ်နိုးထလာသည်နှင့် လင်းယွမ်၏အသံကိုကြားလိုက်ရသည့်အခါ နှစ်သက်ပျော်ရွှင်သွားမိသည်။ "ယွမ် အိပ်မောကျပြီးနိုးလာတော့ ငါ့ရဲ့အခြေအနေက လုံးဝပြန်ကောင်းသွားပြီ။"
သူ၏စကားများကိုကြားလိုက်ရာ သူအတန်ငယ်ပဟေဠိဖြစ်သွားသည်။ သူ၏အခြေအနေကို အာရုံခံကြည့်လိုက်မှသာ စွမ်းရည်တစ်ခုတိုးလာကြောင်း အံ့အားသင့်ဖွယ်တွေ့လိုက်ရသည်။
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...