အခန်း ၂၉၄ - အရိုးချေသူမိခင်သွေးချိုးကန်
သို့သော် လင်းယွမ်သည် လျို့ကျယ်အား သူ့အဖွဲ့ထဲဝင်လိုခြင်းရှိမရှိ မေးရဦးမည်ဖြစ်သည်။ သူသည် လျို့ကျယ်အား ထိန်းသိမ်းသူအဖြစ်သာမကဘဲ လုပ်ဖော်ကိုင်ဖက်၊ သူငယ်ချင်းအဖြစ် အမြဲတစေ သတ်မှတ်ထားခဲ့သည်။
သို့ဖြစ်ရာ လျို့ကျယ်၏ဆုံးဖြတ်ချက်ကို သူလေးစားမည်ဖြစ်ကာ သူ့ကိုယ်ပိုင်ဘဝကိုဩဇာပေးမည်မဟုတ်ပေ။လျို့ကျယ် သူ့အဖွဲ့အစည်းသို့ ဝင်လိုလျှင်ပင် လင်းယွမ်နှင့် လျို့ကျယ်နှစ်ယောက်သာရှိသေးသည်။
အဖွဲ့အစည်းတစ်ခုသာ ထွန်းတောက်သောဖက်ဒရေးရှင်းမဟာမိတ်အဖွဲ့အစည်းမှ ကျင်းပသော အက်စ်တံခွန်စိုက်ပြိုင်ပွဲ၌ ပါဝင်ယှဉ်ပြိုင်လိုလျှင် အခြေခံလိုအပ်ချက်မှာ အဓိကအဖွဲ့အတွက် အဖွဲ့ဝင်ငါးယောက်စုဆောင်းရန်ဖြစ်သည်။
သို့မဟုတ်ပါက အက်စ်တံခွန်စိုက်ပြိုင်ပွဲ၏ ရှုံးထွက်အဆင့်ကို မှတ်ပုံတင်ရန်ပင် အရည်အချင်းပြည့်မီမည်မဟုတ်ပေ။
ထို့ကြောင့် သူ၏အဖွဲ့အစည်းသည် အဓိကအဖွဲ့အတွက် အနည်းဆုံးလူသုံးယောက်လောက်လိုနေသည်။ အက်စ်တံခွန်စိုက်ပြိုင်ပွဲ၌ ပါဝင်ယှဉ်ပြိုင်လိုသော အဖွဲ့အစည်းသည် အဓိကအဖွဲ့တစ်ခုသာရှိရမည်မဟုတ်ပေ။ အရံအဖွဲ့လည်း ရှိရမည်ဖြစ်သည်။
(သီးသန့်အဖွဲ့အား အရံအဖွဲ့ဟု ပြောင်းလဲပြန်ဆိုသွားပါမည်။)ယင်းတို့အားလုံးသည် လင်းယွမ်ရင်ဆိုင်ရမည့် ပြဿနာများဖြစ်သည်။ အရာအားလုံးကို ကာလရှည် အစီအစဥ်ဆွဲဖို့ လိုသေးသည်။ အဖွဲ့ဝင်များကို ခွန်အားအပေါ် အခြေခံ၍ ရွေးချယ်မည်မဟုတ်ပေ၊ အကြောင်းမှာ အဖွဲ့တစ်ခုအတွင်းရှိ အဖွဲ့သားများသည် အချင်းချင်းသံယောဇဥ်ရှိဖို့လိုအပ်ကာ တိုက်ပွဲ၌ အချင်းချင်းယုံကြည်နိုင်မည့်လုပ်ဖော်ကိုင်ဖက်များ ဖြစ်လာရမည့်အတွက်ကြောင့်ပင်။
ထို့ကြောင့် လင်းယွမ်သည် အဖွဲ့ဝင်များရွေးချယ်ရာ၌ ဂရုမစိုက်၍မဖြစ်ပါပေ၊ ငါးယောက်ပြည့်ဖို့ရန် အရည်အသွေးမမီသော အဖွဲ့ဝင်များကိုလည်း သူရှာဖွေမည်မဟုတ်ပေ။
![](https://img.wattpad.com/cover/329898427-288-k137424.jpg)
ŞİMDİ OKUDUĞUN
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Aksiyonဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...