အခန်း ၂၃၀ - ဘာလို့ငါ့ကိုခေါ်တာလဲ?
ပိုင်ဟောင်သည် ကြက်တူရွေးသံရှင်လိုလီနတ်ဘုရားမကို ထွန်းတောက်ဒေါ်လာ ၅,၀၀၀,၀၀၀ ဆုချပြီးသည်နှင့် လျို့ကျယ်ကို ချက်ချင်းဆက်သွယ်လိုက်သည်။သူ့အား တိုက်ပွဲဝင်စွမ်းရည်လေ့ကျင့်ရန် လောနေခဲ့သော လျို့ကျယ်သည် မမျှော်လင့်ထားစွာ ကိစ္စတချို့ဖြေရှင်းစရာရှိသည်ဟုဆိုလာပြီး ကြယ်ကွန်ယက်မှထွက်ခွာသွားသည်။ သူသည်ပြတင်းပေါက်ဘေးတွင်ရပ်လျက် ညရှုခင်းကိုကြည့်ရင်း နှလုံးသားထဲ၌ဆုံးဖြတ်ချက်တစ်ခုထွက်ပေါ်လာလေသည်။
လင်းယွမ်၏ထိန်းသိမ်းသူကိုယ်ရံတော်တစ်ယောက်ဖြစ်သည့်အလျောက် မည်သည့်ဆုံးဖြတ်ချက်မဆို လင်းယွမ်၏အမြင်ကိုမေးရပေမည်။ လျို့ကျယ်သည် တောနက်အတွင်း၌ လေ့ကျင့်ရေးဆင်းရန် ဆုံးဖြတ်ထားသည်၊ အကြောင်းမှာ သေခြင်းရှင်ခြင်းကိုကြုံတွေမှသာလျှင် သူ၏ခွန်အားကိုတိုးမြှင့်ရန် သက်ရောက်မှုအရှိဆုံးနည်းလမ်းဖြစ်သောကြောင့်ပင်။
လူတချို့သည် မိမိတို့၏နှလုံးသားမှစကားသံများနောက် လိုက်ကြသည်နှင့်ဆင်တူသည်၊ ထိုလူများသည် ရူးသွပ်မသွားလျှင် ဒဏ္ဍာရီလာများဖြစ်လာကြပေမည်။
ဝိညာဉ်ချီပညာရှင်တစ်ယောက်၏ တိုးတက်မှုသည်လည်း ထိုအတိုင်းပင်။ ဘေးအန္ဓရာယ်များပတ်လည်ဝိုင်းနေချိန်မှသာ သူတို့၏အလားအလာသည် အပြင်းထန်ဆုံးတောက်လောင်လာမည်ဖြစ်ပြီး လက်ဖြင့်ဖမ်းဆုပ်နိုင်သော ခွန်အားအဖြစ်ပြောင်းလဲသွားပေမည်။
ထိုညတွင် လျို့ကျယ်သည် စောစောအိပ်ရာဝင်လိုက်ပြီး အိပ်မက်တစ်ခုမက်ခဲ့သည်။ အိပ်မက်ထဲ၌ သူသည်လူငယ်လေးရှေ့၌ အန္ဓါရာယ်ကို တားဆီးပေးနိုင်သည့် အကာအကွယ်တစ်ခုဖြစ်လာသော်လည်း လူငယ်လေး၏ပုံရိပ်မှာသူနှင့် ဝေးသထက်ဝေးလာသည်။ ထိုအကာအကွယ်သည် အနည်းငယ်အားနည်းလွန်းနေသေး၏။ သူ့အိပ်မက်ထဲရှိဖိနှိပ်ခံရသော အာရုံကြောင့်လင်းယွမ်မျက်မှောင်ကြုတ်မိနေသည်မှာ ခွန်အားကိုတိုးမြှင့်ရန် မည်မျှထက်သန်နေကြောင်းပြသနေ၏။
![](https://img.wattpad.com/cover/329898427-288-k137424.jpg)
VOUS LISEZ
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...