အခန်း ၂၀၅ - အခွင့်အရေးတစ်ရပ်
တိုက်ပွဲပြီးသောအခါ လင်းယွမ်သည် တိုက်ပွဲကွင်းပြင်မှပျောက်ကွယ်သွားသည်။ သူသည် အဆင့်တက်တိုက်ပွဲ၏အာကာသစောင်းတန်းဒုတိယအချီကို တိုက်ခိုက်ရန် ရွေးချယ်လိုက်ခြင်းမဟုတ်ဘဲ မျက်လုံးများကိုမှိတ်လိုက်ရုံသာဖြစ်သည်။ ယခင်တိုက်ပွဲ၏ဖြစ်ရပ်များက်ု သူပြန်မြင်ယောင်နေသည်။
ဤတိုက်ပွဲသည် ခွန်အားညီပြီး သူ့အတွက်အနည်းငယ်ပင် အခွင့်မသာဖြစ်နေခဲ့သည်။ တစ်ချိန်တည်းတွင် တိုက်ပွဲ၌သူ၏ အားနည်းချက်ကိုလည်းတွေ့ရှိခဲ့သည်။
ဤအာကာသစောင်းတန်းအဆင့်တက်ပြိုင်ပွဲမှ ရသောအကြီးမားဆုံးသောအကျိုးအမြတ်မှာ တိုက်ပွဲဝင်ဝိညာဉ်ချီပညာရှင်တစ်ယောက်အတွက် ဝိညာဉ်စွမ်းအင်ထိန်းချုပ်ခြင်း၏ အရေးပါပုံကို သိနားလည်ခဲ့ရခြင်းပင်။
အတိတ်ကတိုက်ပွဲတိုင်းတွင် သူသည်မသိစိတ်အလျောက် ဝိညာဉ်စွမ်းအင်အများအပြားသုံးစွဲသော ဆူးနီ၏ပန်းပင်လယ်ကြီးအား ဖြန့်ကျက်စေခဲ့သည်။ သို့သော်အမှန်တွင် ထိုပန်းပင်လယ်သည် တခါတရံ ဤမျှလောက်အသုံးမဝင်ဘဲရှိနေတတ်သည်။
ယခုတိုက်ပွဲအား ဥပမာအဖြစ်ကြည့်နိုင်သည်။
အကယ်၍ သူသည်ဆူးနီအား ခရမ်းပြာလျှပ်တပြတ်လိပ်ပြာနှင့် ပူးပေါင်းပြီး ဧရာမရွှံ့မြီးဖွတ်ကို တိုက်ခိုက်ရန် ပန်းပင်လယ်ကြီးအစား ပန်းပင်လယ်ငယ်လေးကိုသာ ဖြန့်ကျက်စေခဲ့လျှင် သွားချောမွှတ်ဆင်ဖွတ်၏ သွေးလောင်ကျွမ်းတိုက်ကွက်နှင့် ရင်ဆိုင်ရသည့်အချိန်၌ ထိုမျှဆိုးဆိုးဝါးဝါးဖြစ်ခဲ့မည်မဟုတ်ပေ။ ဤတိုက်ပွဲ၌ သူသည်ကျွမ်းကျင်သူအစစ်ဖြစ်လာရန် အလှမ်းဝေးနေသေးကြောင်း သိခဲ့ရသည်။ သို့တိုင်ဤသည်က သူ၏တိုက်ပွဲဝိညာဉ်ကိုလှုံ့ဆော်နေသည်။
လင်းယွမ်သည် စိတ်မာသည့်လူမျိုးပင်။ ယခင်တစ်ယောက်တည်းရှင်သန်ခဲ့စဥ်က အခက်အခဲများအားလုံးသည် သူ့အား မပြိုလဲစေခဲ့ပေ။ ရှင်သန်ရခြင်း၏ဖိအားကိုရင်ဆိုင်သည့်အခါ တစ်လှမ်းချင်းစီဖြတ်သန်းကျော်ဖြတ်လာခဲ့သည်။
![](https://img.wattpad.com/cover/329898427-288-k137424.jpg)
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...