ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္

အခန်း ၂၄၈ - အစွမ်းကုန် ကြွားလုံးထုတ်ခြင်း

အခန်း ၂၄၈ - အစွမ်းကုန် ကြွားလုံးထုတ်ခြင်း

ကျွန်း​ဝေလငါး၏တန်ဖိုးသည် အစွမ်းထက်သည့်အ​ပေါ်တွင် မမူတည်ဘဲ ၎င်း၏ ဗျူဟာမြောက်​သောအရေးပါမှု​၌ တည်ရှိနေသည်။

ဝိညာဉ်ချီနိုးထလာချိန်မှစ၍ သမုဒ္ဒရာသည် လူသားများအတွက် တားမြစ်နယ်မြေဖြစ်လာခဲ့သည်။ အလားတူပင်၊ သမုဒ္ဒရာအထက် ကောင်းကင်ယံသည် ပင်လယ်နက်ကဲ့သို့ပင် အန္တရာယ်များလာသည်။

ပလက်တီနမ်သို့ရောက်ရှိပြီးနောက်၊ သမုဒ္ဒရာထဲတွင်နေထိုင်သော ဝိညာဉ်သားရဲအများစု၌ သမုဒ္ဒရာအထက်ကောင်းကင်ယံကို တိုက်ခိုက်ရန်နည်းလမ်းများရှိလာကြသည်။ အချို့ငါးဝိညာဉ်သားရဲများသည် ဖိအားမြင့်ရေများကို ပန်းထုတ်ကာ မီတာတစ်ရာကျော်သော လှိုင်းလုံးကြီးများကိုပင် ဖန်တီးနိုင်ကြသည်၊ တချို့ အဏ္ဏဝါဝိညာဉ်သားရဲများသည် ကောင်းကင်ဆီသို့ အချိန်တိုအတွင်းခုန်တက်ကာ တိုက်ခိုက်မှုများကိုပင် ပြုလုပ်နိုင်သည်။

ထို့ကြောင့် လူသားများအကြား ကျွမ်းကျင်ပညာရှင် အနည်းငယ်မျှသာ သမုဒ္ဒရာထဲသို့ စွန့်စားသွားလာနိုင်ကြသည်။

ကမ္ဘာကြီး၏ နယ်မြေသည် ကြီးမားပြီး ဖက်ဒ​ရေးရှင်းများ အများအပြားရှိသည်။ သို့သော်၊ သမုဒ္ဒရာသည် ဤဖက်ဒ​ရေးရှင်များကို ပိုင်းခြားထားသောကြောင့် ပုံမှန်အားဖြင့် အပြန်အလှန်ဆက်ဆံရန် အခွင့်အလမ်းနည်းပါးသည်။

ကျွန်း​ဝေလငါးကဲ့သို့ မှော်ဆန်သောသတ္တဝါသည် လူသားများ သမုဒ္ဒရာထဲသို့ ဆင်းသက်နိုင်ရန် နည်းလမ်းတစ်ခု ဖြစ်လာခဲ့ပြီး တချိန်တည်းတွင် လုံးဝ ဘေးကင်း​လေသည်။

ထိုကျွန်း​ဝေလငါးသည် အလွန်မှော်ဆန်သောသတ္တဝါဖြစ်သည်။ ကိုယ်ဝန်ဆောင်မိခင်မှ မွေးဖွားလာခြင်းမဟုတ်​ပေ၊ နက်ရှိုင်းသောသမုဒ္ဒရာအောက်က ဝေလငါးအုပ်စုကြီးမှ ​မွေးဖွားလာ​သော​ကြောင့်သက်ရှိသတ္တဝါဟု မယူဆနိုင်ပေ။

ဝေလငါးများသေဆုံးပြီးနောက် သမုဒ္ဒရာအောက်ခြေသို့ နစ်မြုပ်သွားသည့် ဖြစ်စဉ်ကို ဝေလငါးကျဆုံးခြင်းဟု လူသိများသည်။ ဝေလငါးတစ်ကောင်၏ ​သေဆုံးပြီးသားရုပ်ခန္ဓါသည် ရေငုပ်သင်္ဘောဂေဟစနစ်ကို နှစ်ပေါင်း ၁၀၀၀ နီးပါး ထောက်ပံ့ပေးနိုင်သည်။ ထောင်ပေါင်းများစွာသော ကြီးကျယ်ခမ်းနားသည့် ရုပ်ခန္ဓါများ အတူတကွသေဆုံးသွားသည့်နေရာကိုသာ ဝေလငါးကြီးကျဆုံးခြင်းဟု ခေါ်နိုင်သည်။