အခန်း ၂၅၉ - အဓိကကျသော ဒိုင်မင်းရှင်းအက်ကွဲကြောင်းငါးမျိုး
လင်းယွမ်သည် အပြင်လောကတွင် လေ့ကျင့်ရန်အစီအစဥ်များချမှတ်ထားပြီးသားပင်။ အကယ်၍ သူသာအဆုံးမဲ့တောအုပ်ဆီ ထပ်သွားခဲ့လျှင် ယခင်ကနဲ့တူညီသည့် အတော်လေးအဆင့်နိမ့်သော ရှားပါးဝိညာဉ်သားရဲများကို တဖန်ရရှိဦးမည်ဖြစ်သည်။
လင်းယွမ်သည် ဖန်တီးရှင်ဆရာသခင်တစ်ယောက်ဖြစ်ပြီး ဝိညာဉ်သားရဲများကို သူ့အပေါ်နှစ်လိုသည့်အမြင်ရရှိရန် လွယ်ကူသည့်အတွက် အဆုံးမဲ့တောအုပ်၌ သူရင်ဆိုင်ရမည့် အန္တရာယ်ပမာဏ အလွန်အမင်း ကန့်သတ်ချက်ရှိ၏။ လင်းယွမ်၏လက်ရှိခွန်အားအရ ပလက်တီနမ်ဝိညာဉ်သားရဲတစ်ကောင်နဲ့ သူဆုံတွေ့ခဲ့လျှင်ပင် ရွှေ ၁/ဆန်းပြားမျိုးသန့် ၁ အရင်းအမြစ်သဲဖြင့် ပြန်လည်တိုက်ခိုက်နိုင်စွမ်းရှိလေသည်။
အမှန်၌ လင်းယွမ်သည် အရင်းအမြစ်သဲကို ကိုယ်တိုင်ထိန်းချုပ်ပြီး သိပ်အားစိုက်ထုတ်စရာမလိုဘဲ အားနည်းသည့်ပလက်တီနမ်ဝိညာဉ်သားရဲများကိုပင် သတ်ဖြတ်နိုင်သည်။
အရင်းအမြစ်သဲ၏စွမ်းရည်သည် ဘက်စုံခုခံရေးနည်းလမ်းဖြင့် ဖွံ့ဖြိုးလာပြီး ထိန်းချုပ်မှုသည်လည်း ကောင်းမွန်စွာ တိုးတက်လာခဲ့သည်။ သို့သော် လင်းယွမ်သည် ဆန်းပြားမျိုးသန့်အရင်းအမြစ်သဲကို ရွှေအဆင့်သို့မြှင့်တင်ပြီး သီးသန့်စွမ်းရည်သတ္တုဝါးမျိုသရုပ်သကန်ကို ဒုတိယအကြိမ်မြှင့်တင်ပြီးသည့်နောက် အရင်းအမြစ်သဲ၏ကာကွယ်ရေးစွမ်းရည်သည် သိသိသာသာတိုးတက်လာလေသည်။
အကယ်၍ လင်းယွမ်သာ ရွှေသတ္တုနေ့နဲ့ညငွေဝိညာဉ်ကို ငှက်တောင်များနှင့် တောင်ပံလေးစုံကို ထုတ်လုပ်စေလိုက်လျှင် အစုလိုက်အပြုံလိုက်သတ်ဖြတ်ခြင်းအနက်ရောင်တောင်ပံများမှ အဖြူရောင်ကာကွယ်ရေးတောင်ပံများအဖြစ်ပြောင်းရန် ဝိညာဉ်စွမ်းအင်ကိုလှည့်ပတ်ဖို့သာလိုသည်။
ကာကွယ်ရေးတောင်ပံဖြူများသည် ပလက်တီနမ်ဝိညာဉ်သားရဲတစ်ကောင်၏ အစွမ်းကုန်တိုက်ခိုက်မှုတစ်ချက်ကို ခုခံနိုင်စွမ်းရှိသည်။ သို့သော် အစွမ်းကုန်တိုက်ခိုက်မှုကိုခုခံရန် လင်ူယွမ်သည် နေ့နဲ့ငွေဝိညာဉ်တောင်ပံများကို ဝိညာဉ်စွမ်းအင်အများအပြားသုံးစွဲစေကာ တိုက်ခိုက်ရေးစွမ်းအားများကို ပတ်ဝန်းကျင်သို့ ဖြန့်ကျက်စေဖို့ လိုအပ်ပေလိမ့်မည်။
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...