အခန်း ၃၀၉ - သလင်းကျောက်ဥပဒေသ
လင်းယွမ်သည် ချက်ချင်းပင် သံထည်တို့ ကွဲကြေသွားသည်နှင့် ဆင်သော အသံတစ်ခုကို ကြားလိုက်ရသည်။
ထို့နောက် ခဏချင်း၌ မိခင်သွေးချိုးကန်သည် နယ်မြေရှင်/ဒဏ္ဍာရီ ၂ ညကပ်ဘေးကျီးကန်းထဲမှ လက်သည်းခွံအရွယ် သလင်းကျောက်နက်တစ်တုံးကို ဆွဲထုတ်လိုက်သည်အား လင်းယွမ်တွေ့လိုက်လေသည်။
သလင်းကျောက်နက်ဘေးတစ်ဝိုက်တွင် စီးဆင်းနေသော မှုန်ဝါးနေသည့် ညမြူခိုးတစ်လွှာရှိနေပုံပေါ်ပြီး တစ်ခုခုကို အဆက်မပြတ်တစ်ဆစ်ဆစ်တိုက်စားနေသည့်အလားပင်။ ကြည့်ရသည်မှာ ညမြူခိုးသည် မည်သည်အရာကိုမဆို တိုက်စားနိုင်သည်နှင့်တူလေသည်။
အဆုံးမဲ့နွေဦးသည် လက်သည်းခွံအရွယ် သလင်းကျောက်နက်ကိုကြည့်ကာ ပြောသည်။ "ဒါက သေဆုံးခြင်းညမှော်အက္ခရာဥပဒေသပဲ၊ ညိုးနွမ်းစေတဲ့ စွမ်းအားတစ်မျိုးရှိတယ်။ ဒီသလင်းကျောက်ဥပဒေသက အင်မတန်ပြည့်စုံလွန်းပြီး ထိခိုက်မှုတစ်ခုမှ မခံထားရဘူး။"
လင်းယွမ် 'မှော်အက္ခရာဥပဒေ'ဟူသော စကားလုံးကိုကြားသော် မျက်လုံးများချက်ချင်း ပြူးကျယ်လာသည်။ ထို့နောက် မိခင်သွေးချိုးကန်၏လက်ထဲရှိ သလင်းကျောက်နက်ကို ဂရုတစိုက်ကြည့်လိုက်သည်။
လင်းယွမ်သည် လဧကရီထံမှ သလင်းကျောက်ဥပဒေသအကြောင်း ကြားဖူးလေသည်။ ဒဏ္ဍာရီမျိုးသန့်ဝိညာဉ်သားရဲများသာ သလင်းကျောက်ဥပဒေသများကို ထုတ်လုပ်နိုင်သည်ဖြစ်ရာ ထိုအကြောင်းကို အသေးစိတ်ကျကျမေးမြန်းခဲ့ခြင်းမရှိပေ။ ထိုအရာတစ်ခုကို မြင်တွေ့ရမည့်အခွင့်အရေးရှိမည်ဟု သူစိတ်ပင်မကူးကြည့်ဖူးပေ။
မိခင်သွေးချိုးကန်သည် လင်းယွမ်၏စူးစမ်းသောမျက်လုံးများကို သတိထားမိသည်ဖြစ်ရာ သူ့ထံသို့ သလင်းကျောက်နက်ကို ကမ်းပေးလိုက်လေသည်။ "သေချာသိမ်းထား။ ဒါကရှားပါးရတနာတစ်ခုပဲ။"
တဆက်တည်းပင် မိခင်သွေးချိုးကန်သည် လည်ချောင်းရှင်းလိုက်ပြီး ရှင်းပြလာသည်။ "ဒဏ္ဍာရီမျိုးသန့်ဝိညာဉ်သားရဲတစ်ကောင် ကြွေလွင့်တဲ့အခါ သူနားလည်ထားတဲ့ မှော်အက္ခရာဥပဒေသက မပျောက်သွားဘူး။ သလင်းကျောက်ဥပဒေသအဖြစ် ဖွဲ့စည်းသွားလိမ့်မယ်။"
![](https://img.wattpad.com/cover/329898427-288-k137424.jpg)
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...