အခန်း ၂၁၅ - ထုံးတမ်းနှင့် မလျော်ညီသော လေလံဆွဲမှု
လျို့ကျယ်၏အကြီးဆုံးပြဿနာမှာ ပိုက်ဆံပင်၊ အကြောင်းမှာ သူ၏အင်းဆက်ဘုရင်မ ဒဏ်ရာမစခင်က သူ့ငွေများအားလုံးကို ပိုင်ဟောင်အား ချေးလိုက်သောကြောင့်ပင်။
သိပ်မကြာခင်က ပိုင်ဟောင်သည် သူ့အားပြန်ပေးလာသော်လည်း ထွန်းတောက်ဒေါ်လာ ၁၀,၀၀၀,၀၀၀ ကျော်သည် ဟာရီကိန်းဇီးကွက်ပိုးဖလံကို ဝယ်ယူရန် ကျိန်းသေပေါက် မလုံလောက်ပါပေ။လျို့ကျယ်သည် မည်သည့်စကားကိုမှမဆိုသော်လည်း သူ၏မျက်ဝန်းများမှတဆင့် ထိုအရင်းအမြစ်အမျိုးအစားသက်ရှိအတွက် အလိုဆန္ဒများကို လင်းယွမ်မြင်နေရသည်။ လင်းယွမ်သည် အကူအညီမဲ့စွာ နှလုံးသားထဲ၌ လှောင်ရယ်မိသည်၊ ငါဒီသီးသန့်လေလံပွဲကို အလာကားလာခဲ့တာမဟုတ်ဘူးပဲ။
အဲဒီအရင်းအမြစ်အမျိုးအစားသုံးခုလုံးကို ငါလိုအပ်တယ် - တစ်ခုကငါ့အတွက်၊ တစ်ခုကလျို့ကျယ်အတွက်၊ တစ်ခုမိခင်သွေးချိုးကန်အတွက်ပေါ့။
လျှပ်စီးစာကလေးဘုရင်သည် မရပ်တန့်ဘဲ တတ်ယမြောက်အရင်းအမြစ်အမျိုးအစားပစ္စည်းကို ဆက်လက်မိတ်ဆက်သည်။ သူမ၏လက်ထဲ၌ သွေးနီရောင်ဥသဏ္ဍာန်ပစ္စည်းကိုကိုင်ဆောင်ကာ ဆိုသည်။ "ဒီအရင်းအမြစ်အမျိုးအစားသက်ရှိပေါ်လာတာက ပထမဆုံးအကြိမ်ဖြစ်လောက်တယ်၊ ဒါကြောင့်သူ့ရဲ့စွမ်းရည်ကို တိတိကျကျမသိပါဘူး။ ဒါပေမယ့် စာချုပ်အခြေအနေတွေက အရမ်း လွယ်ကူတယ်။ စာချုပ်ချုပ်ဖို့ ဝိညာဉ်စွမ်းအင်ပမာဏအမြောက်အမြား သုံးလိုက်ရုံပဲ။ စာချုပ်အောင်မြင်ပြီးရင် အထဲကသက်ရှိက ဥအတွင်းမှာရှိတဲ့ သွေးတွေအားလုံးကိုစုပ်ယူပြီး ဥခွံကိုဖောက်ထွက်လာတာကို စောင့်ရမယ်။ အဲဒါတွေပြီးတဲ့နောက်မှ အကောင်ကထွက်လာလိမ့်မယ်။ တကယ်လို့အကောင်ပေါက်တဲ့အရှိန်ကိုမြှင့်ချင်ရင်တော့ ကိုယ့်ရဲ့သွေးကို ပမာဏခပ်များများလေးတိုက်ဖို့လိုတယ်။
ဤသွေးနီရောင်ဥကို စိတ်ဝင်စားသော လေလံဆွဲသူတစ်ယောက်သည် မတ်တပ်ရပ်ကာဆိုသည်။ "အရှင်လျှပ်စီးစာကလေးဘုရင်၊ ဥထဲကအရင်းအမြစ်အမျိုးအစားသက်ရှိက အကောင်ပေါက်ဖို့ အချိန်ဘယ်လောက်ကြာမှာပါလဲ။ ဝိညာဉ်စွမ်းအားကကော ဘယ်လောက်များများ သုံးဖို့လိုလဲ။"
![](https://img.wattpad.com/cover/329898427-288-k137424.jpg)
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...