အခန်း ၃၁၅ - ဖိနပ်လျက်သမားရဲ့ အရာအားလုံး
ဆူးနီသည် ငွေ/ဆန်းပြားဝိညာဉ်သားရဲအဖြစ် ဆင့်ကဲပြောင်းလဲလာသောအခါ လျစ်လျူရှုထား၍မရသော ချို့ယွင်းချက်တစ်ခုကို အမှန်တကယ် ဖြေရှင်းနိုင်လိမ့်မည်ဟု လင်းယွမ် မမျှော်လင့်ထားပေ။ ပန်းပင်လယ်ကို မည်သို့ချဲ့ရမည်နည်းဟူသော ပြဿနာပင်ဖြစ်သည်။
လက်ရှိတွင်၊ ဤရိုးရှင်းသောပုံစံဖြင့် စပိုးလမ်းကြောင်းပုံတူများကို အခြေခံစိုက်စခန်းများအဖြစ် သတ်မှတ်ထားနိုင်သည်။ ၎င်းတို့သည် အကွာအဝေးတစ်ခုအတွင်း၌ စပိုးများကိုထောက်ပံ့ရန် တာဝန်ရှိသည်။
ဆူးနီ၏စပိုးများသည် အလွန်ပေါ့ပါးလှကာ ပျံ့နှံ့ဖို့ရန် သင့်တော်သော်ငြား အခြေခံအားဖြင့် ကွာဝေးလွန်းသောနေရာများဆီ ပျံ့နှံ့စေရန်တော့ အင်မတန်ခက်ခဲပါ၏။ ယခုတွင် ဆူးနီသည် ရိုးရှင်းသောပုံစံစပိုးလမ်းကြောင်းပုံတူများဖြင့် ပန်းပင်လယ်ကို တိုးချဲ့နိုင်တော့မည်ဖြစ်သည်။ ဆူးနီ၌ အသွေးအသားစွမ်းအင်လုံလောက်စွာ ရှိနေသရွေ့ ပန်းပင်လယ်ကို သေချာပေါက် တိုးချဲ့နိုင်ပေမည်။
ထို့အပြင် ပန်းပင်လယ်၏အချင်းဝက် ပို၍ကြီးမားလေလေ၊ ဆူးနီအတွက် အသွေးအသားစွမ်းအင်များ ပိုမိုရရှိနိုင်လေလေဖြစ်ကာ အသင့်တော်ဆုံးသောစက်ဝန်းတစ်ခုကို ဖန်တီးပေးနိုင်သည်။
ယင်းမှာ အဆင့်နိမ့်ဒိုင်မင်းရှင်းသက်ရှိများအတွက် တကယ်ပင် အိပ်မက်ဆိုးဖြစ်လေသည်။ အဆင့်နိမ့်ဒိုင်မင်းရှင်းသက်ရှိအားလုံးသည် ဆူးနီအတွက် အာဟာရများဖြစ်လာကာ ပန်းပင်လယ်ကို တိုးချဲ့ရန် တစ်စိတ်တစ်ပိုင်းပါဝင်အားဖြည့်ပေးနေသည်ဟု မှတ်ယူနိုင်သည်။
ဆူးနီသည် အဆင့်နိမ့်သက်ရှိသတ်ဖြတ်သူဟူသော ဂုဏ်ပုဒ်နှင့် လုံးဝထိုက်တန်သည်ဟု လင်းယွမ်ခံစားရသည်။
ထိုအခိုက် စွန့်လွှတ်ခြင်းမျက်လုံးတစ်ဖက်သည် ရုတ်ခြည်းဖွင့်လာ၏။ ဆူးနီသည် နွယ်လမ်းကြောင်းကိုသုံးကာ စွန့်လွှတ်ခြင်းမျက်လုံးအား ရိုးရှင်းသောပုံစံစပိုးလမ်းကြောင်းဆီ ကူးပြောင်းလိုက်ခြင်းပင်။ လင်းယွမ် အာရုံစိုက်နေသည်ကို ဆူးနီသတိထားမိသောအခါ ရုတ်တရက် တွန်းအားပေးလွှဲပြောင်းလာသော စွန့်လွှတ်ခြင်းမျက်လုံးကို ပြန်လည်ရုတ်သိမ်းလိုက်လေသည်။ ထို့နောက် ထိုအချက်ကို လင်းယွမ်ထံ သက်သေပြရန် ရှူးရှူးရှားရှား မြည်လာတော့သည်။
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...