အခန်း ၂၃၆ - ဒဏ္ဍာရီ ၂ နှင့် မမျှော်လင့်ထားသောပျော်ရွှင်မှု
ကောင်းကင်အမိုးခုံးကိုပင် ပေါက်ကွဲစေနိုင်သည်ဟု ထင်ရသော မိုးကြိုးများသည် လျှပ်စီးများနှင့်အတူ မိခင်သွေးချိုးကန်ဆီသို့ ထပ်ခါထပ်ခါဆင်းသက်နေကာ ခန္ဓါကိုယ်အား သွေးရောင်လွှမ်းသောမြူခိုးအဖြစ် ကွဲထွက်သွားစေသည်။မိုးကြိုးအားကြောင့် အနီတောက်တောက်ဖြင့် ခမ်းနားကာသွေးရောင်လွှမ်းသောမြူခိုးသည် ဖြည်းဖြည်းချင်း အားနည်းလာသည်။
လင်းယွမ်သည် မိခင်သွေးချိုးကန်၏အသံကို ရုတ်ခြည်းကြားလိုက်သည်။ "လင်းယွမ်၊ ငါထပ်မထိန်းထားနိုင်တော့ဘူး။ စွမ်းအင်ကုန်သုံးပြီး ပြေးတော့။"
သူသည် နှုတ်ခမ်းများကိုတွန့်လိုက်ပြီး စကားတစ်ခွန်းမှမဟပေ။ ထိုအခိုက်အတန့်လေး၌ လပေါင်းများစွာ စုဆောင်းထားသော ဝိညာဉ်ချီအမှတ်အသားကို ဖွင့်ထုတ်လိုက်သည်။ ဝိညာဉ်ချီအမှတ်အသားမှ ဝိညာဉ်စွမ်းအင်များသည် ထိုစဥ်ကနဲ့ ကွာခြားချက်ကြီးကြီးမားမားရှိသည်။
နဂါးသွေးလိုင်းကိုနိုးထလာသော ကြေး/မော်ကွန်းတင်ဝိညာဉ်စုဆောင်းရွှေငါးသည် နေ့ရောညပါဝိညာဉ်ချီများကို အဆက်မပြတ်စုဆောင်းနေပြီး ကြီးမားသောဝိညာဉ်ချီစီးကြောင်းတစ်ခုဖြစ်လာသည်။ ဝိညာဉ်ချီစီးကြောင်း လင်းယွမ်၏ခန္ဓါကိုယ်ထဲသို့ ဝင်လာသောအခါ အဖြူရောင်ဝတ်ရုံသည် တဖျတ်ဖျတ်လှုပ်ခတ်သွားသည်။
လင်းယွမ်သည် မိခင်သွေးချိုးကန်၏အဆက်မပြတ် အားနည်းလာသော သွေးနီရောင်မြူခိုးကိုကြည့်ကာ အော်ဟစ်လိုက်သည်။ "သန့်စင်သောကောင်းချီးမြေ!"
၁၀ စတုရန်းမီတာရှိသော သဲဖြူများသည် မိခင်သွေးချိုးကန်၏အောက်ဘက်ရှိ သဲဝါမှရုတ်ခြည်းထွက်ပေါ်လာကာ သစ်လွင်သောဘဝနှင့် သန့်စင်မှုတို့၏ရနံ့ဖြင့်ပြည့်နှက်နေသည်။
ရွှန်းစိုသောအလင်းရောင်သည် သန့်စင်သောကောင်းချီးမြေ၏အဖြူရောင်သဲမှုန်များထံမှ ထွက်ပေါ်လာကာ မိုးကြိုးလျှပ်စီးကြောင့် မိခင်သွေးချိုးကန်၏အဆက်မပြတ်အားနည်းလာသော သွေးနီရောင်မြူခိုးနှင့် ဖြေးဆေးစွာ သွားရောက်ပေါင်းစပ်သည်။
![](https://img.wattpad.com/cover/329898427-288-k137424.jpg)
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...