အခန်း ၂၇၈ - သူ့ကို ချိုမြိန်တဲ့ ပီတိတွေကို အရသာမခံစေနဲ့
ကျောက်ရှောင်ချွင်သည် အပြာဖျော့ရောင်ပုံစံများရှိသော ဧရာမငါးလက်ထုံ၏နောက်ကျောတွင် ရပ်နေသည်။ ရှီရွှီ၏စကားများကို ကြားသောအခါ ချက်ချင်းမျက်လုံးလှိမ့်လိုက်ကာ ဆိုသည်။ "ရှီကျူးရဲ့ စားသောက်ဆိုင်ခွဲ ငါးခု ဒေဝါလီခံလိုက်ရတာက ငါနဲ့ဘာဆိုင်လို့လဲ။ နင့်စတိုးကို ငါလာတိုင်း ငါကလက်ဖွာတဲ့ဝယ်သူတစ်ယောက်ပဲကို။"
ကျောက်ရှောင်ချွင်က ဘာမှမပြောလျှင်တော်သေးသည်၊ သူမပြောလိုက်သည်နှင့် ရှီရွှီ၏မျက်ဝန်းများ ပိုမိုနီမြန်းလာသည်။ "ကျောက်ရှောင်ချွင်၊ ငါ့နာမည်က ရှီရွှီ၊ ရှီကျူးမဟုတ်ဘူးကွ။"
(ရှီကျူး - ဝက်သေ)ရှီရွှီသည် ကာကွယ်ရေး/မိုးကြိုးဝိညာဉ်သားရဲအမျိုးအစားများဖြင့်သာ စာချုပ်ချုပ်နိုင်ရခြင်းမှာ သူ၏ပင်ကိုစွမ်းရည်ကြောင့်ဖြစ်သည်။ ကာကွယ်ရေး/မိုးကြိုးဝိညာဉ်သားရဲများ၏ရှားပါးမှုနှင့် ပျိုးထောင်စရိတ်ကြီးမြင့်မှုကြောင့် ရှီရွှီသည် အမြဲတမ်းအရင်းအမြစ်များပြတ်လပ်နေရသည်။
ထွန်းတောက်အဆင့် ၁၀၀ သို့ဝင်ရောက်ပြီးနောက် ဝှက်ဖဲများကိုပျိုးထောင်ရန် နှစ်များစွာရှီရွှီသုံးစွဲခဲ့သည့် အရင်းအမြစ်များမှလွဲ၍ ဤပလက်တီနမ် ၄/ဆန်းပြား ၁ ဆိတ်ငြိမ်မိုးကြိုးချပ်ဝတ်မိကျောင်းကို ပျိုးထောင်ရန် မရေမတွက်နိုင်သောထွန်းတောက်ဒေါ်လာများကို သုံးစွဲခဲ့ရသည်။ အဆုံးတွင်တော့ ၎င်းသည်ရေလွှမ်းနဂါး၏သွေးလိုင်းကို နိုးထစေခဲ့ပြီးဖြစ်ကာ အဆက်မပြတ်အသက်ဝင်နေစေရန် ရှီရွှီသေချာပေါက်ထိန်းသိမ်းထားရသည်။
အမှန်တွင် ရှီရွှီ ထွန်းတောက်အဆင့် ၁၀၀ အဖွဲ့ဝင်ဖြစ်ခဲ့သည့် နှစ်များစွာအတွင်း ငွေအနည်းငယ်သာပိုလျှံသည်။ ထိုအပိုငွေများအားလုံးကို စားသောက်ဆိုင်ခွဲများတွင် သူမြုပ်နှံထားသည်။
ထွန်းတောက်သောဖက်ဒရေးရှင်းတွင် စားသောက်ဆိုင်ဖွင့်မည်ဆိုလျှင် စားသောက်ဆိုသ်ပါဝင်ပစ္စည်းများ အမျိုးစုံပြီး အစားအစာပါဝင်ပစ္စည်းအဆင့်များ အတော်အတန် မြင့်နေသရွေ့ မရောင်းရမည်ကို ပူပန်စရာမလိုပါပေ။
ВИ ЧИТАЄТЕ
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Боєвикиဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...