အခန်း ၂၃၃ - သန္ဓေပြောင်းမိခင်သွေးချိုးကန်
လင်းယွမ်၏တောင်းဆိုမှုကိုအခြေခံ၍ စန္ဒကူးနီငါးကန်သည် သက်ရှည်မန္တန်များ၊ တောင်နှင့်မြစ်ရှုခင်းအမျိုးမျိုးပါရှိသည့် ဧရာမပန်းခင်းကြီးကဲ့သို့ထွင်းထားကာ ကျောက်တုံးတစ်တုံးချင်းစီနှင့် သစ်တစ်ပင်စီတိုင်းသည် လက်ရာမြောက်အသက်ဝင်လှသည်။
ငါးကန်ထဲတွင် ပို၍အရောင့်ရင့်သော ကျောက်စိမ်းစန္ဒကူးနီကို ထူးဆန်းသောထင်းရှုးပင်တစ်ပင်အဖြစ် ထွင်းထားသည်။ ပင်စည်မှာ နဂါးပျိုသဖွယ်ဖြင့် အကိုင်းအခက်များမှာ ဟိတ်ဟန်ကြီးနေကာ အရွက်များက ထက်သန်လို့နေ၏။ ထိပ်ပိုင်းတွင်ထင်းရှုးသီးများလည်းရှိကာ ပျော်ရွှင်မှုနှင့် သက်ရှည်မှုကိုဖော်ညွှန်းနေသည်။
ကန်အောက်ခြေ၌ အေးစက်သောရေများဖြင့်ပိုင်းကန့်ထားသော မြို့ကြီးရှစ်မြို့ကိုထွင်းထားသည်။ ထိုမြစ်ရှစ်မြို့သည် ထူးဆန်းသော ထင်းရှုးပင်အား တွယ်ကပ်တည်ရှိနေကြပုံမှာ တောင်ထိပ်ကိုရစ်ပတ်ထားသလိုပင်။
လင်းယွမ် နူးညံ့စွာရွတ်ဆိုမိသည်။ "မြို့ကြီးရှစ်မြို့ကို ရေအေးတွေက ဖြတ်သန်းစီးဆင်းတယ်။ အထွတ်အထိပ်မှာရှိတဲ့ အံ့ချီးဖွယ်သစ်ပင်ကတော့ ထာဝရငယ်ရွယ်နေတော့မယ်။"
ထိုမြင်ကွင်းသည် သက်ရှည်ခြင်းဟူသော ဆိုရိုးနှင့်ကိုက်ညီနေပြီး ကျောက်စိမ်းစန္ဒကူးနီ၏အသက်ရှည်မန္တန်နှင့်လည်း အတိအကျလိုက်ဖက်သည်။ သက်ရှည်ခြင်းသည် တခြားသော သက်ရှည်ခြင်းနှင့်ပေါင်းလိုက်မှသာ အဆုံးမရှိဟုယူဆနိုင်သည်။
ထိုအခိုက် ဝမ်ယွီသည် ပိုက်တစ်ချောင်းကိုင်လျက်လာကာ အိမ်တော်၏ကြမ်းပြင်နှင့် စန္ဒကူးနီသက်ရှည်ငါးကန်တို့ကို ချိတ်ဆက်လိုက်သည်။ ဤနေရာသည် လက်တလောကမှ ဆောက်ထားခြင်းဖြစ်ကာ လူလုပ်ရေကန်နှင့် ဆက်သွယ်ထားသည်။
မကြာမီ သူမသည် ၉.၉ မီတာ × ၃ မီတာ × ၄ မီတာရှိသော စန္ဒကူးနီသက်ရှည်ငါးကန်ကို လူလုပ်ရေကန်အတွင်းမှ ရေများဖြင့် ဖြည့်လိုက်လေသည်။ ဝမ်ယွီသည် လရောင်ဖြာနန်းတော်တွင် ပစ္စည်းကောင်းများကို မြင်နေကျဖြစ်သော်လည်း ငါးကန်ကိုမြင်လိုက်သည့်တစ်ခဏ စိတ်လွတ်သွားသေးသည်။
CZYTASZ
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Akcjaဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...